Da pynkylla ya ki kyndon yalehke ha kani ka World Cup 2026

Ka International Football Association Board (IFAB) da mynjur ko yei pynkylla ya ki kyndon yalehbol heiwa ya kini waroh daw pyrchang nyngkong ki ha kani ka FIFA World Cup 2026.

Kini ki kyndon toh yow pynwiar yei pynsepai yei por, i yaleh chiliang, u pynsmat yei yalehke yow pynman ya ka yalehke kawa yoosuk ya kiwa paitke kamjooh kiwa yalehke.

Iwi na iwa da khang toh wow tymmoh yei ktien da kiwa yalehke heipor wa em i ya kajia wei kiwa leh yeini ye ki wow yoh ya ka Red Card.

Lada em uwa yalehke wa mih napoh ka madan kam wow pyrchah yei rai u Referee, uni leh ye u wow yoh Red Card. Ye wow yoh Red Card hadooh ki Team Official kiwa pynchit ya kiwa yalehke wow pyrchah yeiwa rai u Referee deiwa mih napoh madan.

Lada u Referee sñiaw u wa ka Goal Kick toh kawa da pynslem chynnam u chim ka, daw pynyoo da ki pariam kti wa da niaw 5 Second wei lada ym chut hapoh ini i por daw yoh Corner noh da ka liang pyrchah.

Kani ka jooh ka kyndon man ko hawa yoh Throw heiwa lada ym leh heipor, daw e ya ka Throw cha kawi won ka liang wa yalehke.

Hawa leh ya ka Substitute, uwa chah kylliang hap u wow mih napoh madan hapoh 10 Second tangwa lada slem u leh hap bait u wow mih na madan tangwa uwa dang mut wow psiah (Substitute) daw hap u wow yang chi minit wei u psiah u cha madan du hadien wa em i sangeh ka yalehke.

Related posts

Lai booddien ka HITO-Laskeiñ Block yei slem u yoh Ration Card ki manyung

June 11, 2026

Chah siat sa kawi ka jhaad wa em ki nong India

June 11, 2026

Lada em kiwa takha næ mynsoo heipor wa yalehke, hap ki wow mih napoh madan wei wow neh charood madan chi minit hadien wa sdang biang ka yalehke.

Heiyatoh won wa ka VAR lada em ki sabut wa biang, ye wow pynemkaam yow pait deiwi wot hadooh i e Red Card lada e bakla ya ka Yellow Card wa ar.

Lada wa jia wa pynchitom u Referee deiwa bakla ya ka Team deiwa e Red næ Yellow Card deiwa bakla ya kiwa yalehke, lada e Corner Kick deiwa bakla, lada chah pynhaap pynoor kiwa yalehke chwa u em ka yalehke kam hei chut Corner wa Free Kick kini waroh ye ki wow lai cha ka VAR.

Kam wow pynkynmoo wa ka yalang wai pyrda namo ka Opening Ceremony ka World Cup u sdang ko heipor 11:00 waje mynu i miet ha Mexico kawa daw neh 90 minit wei ka yalehke wa nyngkong daw pynman hapyrdi ka Mexico wa ka South Africa heipor 12:30 AM ka 12 tarik i por India.

Ki Opening Ceremony leh daw em ki chwa ki yalehke wa nyngkong ha USA wa Canada.