Jowai : Ka sorkar bei da pynbna ko wa ka sngi wa khaddooh wa ye ki paidbah u pynemkaam ya ka poisa wa rim T. 500 ha ki petrol pump wei wow thied ticket airplane kamjooh wow su ha ki toll gate toh u kut noh ko ha ka 02 Kmaichonglad ymtoh de kamwa pynbna nachwa wa ye u pynemkaam ya ki hadooh ka 15.12.16.
Nadooh 3 Kmaichonglad lait noh na ki petrol pump, u thied ticket airplane wa ki toll gate ye u pynemkaam ya ka poisa wa rim ka T. 500 ye su ya ki bai light, bai um, bai skur, bai phone wei wow thied ya ki ticket train donhi.
Kam wow pynkynmoo ka sorkar leh da dep ko la ar sien da pynkylla ko wow khrehkaam ya ka tarik wow pynemkaam ya ki poisa wa rim deiwa e laad u pynemkaam ya ka poisa wa rim hadooh ka 24 Khonchonglad yow su ya ki bill wa emkaam ki paidbah deiwa pynbna wa u pdiang ya ka poisa wa rim ka T. 500.
Da ong leh wa i daw wa smat u pyndam noh ya ka hukum wa rim wa e laad hadooh ka 15 Kmaichonglad toh neidaw wa da suba wa da em kiwa chim kabu wow pyllai yaaw ya ka poisa murieh deiwa thied ticket airplane wei da pyndam (Cancel) ya ki hadien wa dep thied ya ki.
Discussion about this post