Ynne da man ko ka sngi wow kynmoo ya ka jylla niambah Shillong heiwa da pynman yei pynkyntang Bishop ya u Right Reverend Bernard Laloo kam u Auxiliary Bishop yong ka jylla niambah Shillong.
Da wan wow sakhi ya kani ka sngi wa khroo da u Archbishop Leopoldo Garelli, u Apostolic Nuncio yong ka Vatican cha ri India wa cha Nepal hei emlang leh 23 ngut ki Bishop, ki Archbishop, da ki spah ngut ki Phadar, ki bru niam wa ki hajar ngut ki para wa ngait yong ka Balang Katholic.
Da pynlai ya ka pynkyntang Bishop da u Most Reverend Archbishop Victor Lyngdoh, u Lyngdohsad yong ka jylla niambah Shillong wei da wan sakhi leh da u Montri Rangbah ka jylla u Conrad K Sangma deilang ki heh sorkar wa kiwa ha-yung ha-sem yong u Bishop wa thymme.
Da pynkut ya kani ka riti pynkyntang Bishop da ka Mass Wakhooid kawa da leh da u Most Reverend Archbishop Victor heiwa u Bishop wa thymme ryngkat wa kiwi ki Bishop, ki Phadar da synraan lang ki ya oo.
Discussion about this post