U Montri Rangbah ka Assam, u Himanta Biswa Sarma da ong u wa waroh ar tylli ki jylla kwah ki wow pynbait smat ya u pood yong kiwa dang sah ki 6 tylli ki thaw wa em ha khapood ka Meghalaya wa Assam ki wym pu em ye u pynbait.
U Himanta da ong u wa 3 tylli na kini 6 tylli ki thaw wa dang sah toh kiwa suk bha u pynbait ya u pood wei ka Assam leh kwah ko wow pynbait noh yei kajia ha waroh ki 6 tylli kamwa kwah hi ka Meghalaya wei da pyntikna u wa waroh ar tylli ki jylla daw pynbait ki noh ki ya u pood deiwa em i ya sñiawthooh yumut.
Tangwa da ong won u wow booh dei por hadooh mynnu wow ye u pynbait ymtoh iwa suk neibhah wa daw hap wow ap yei sñiaw ki paidbah wa chong chnong na waroh ar tylli ki jylla.
Hawa kylli won hajrong ki 6 tylli ki thaw wa dadep wow yasoi soskular, u Himanta da ong u wa ka Survey of India da leh ko wow liar ya u pood wei da lai chaaid chaaid chakhmat wei yeiwa dadep soi hakhmat u Home Minister ka ri da man ko kawa skem hapyrdi ki ar sorkar.
Discussion about this post