theme-sticky-logo-alt
theme-logo-alt
Advertisement ad1
Advertisement ad1

Da pynlait paidbah ya i Corbevax, i tika yada COVID-19 ya ki khynnah ha East Jaiñtia

Advertisement ad1
Advertisement ad1
Advertisement ad1

U Deputy Commissioner ka East Jaiñtia Hills District, u Abhilash Baranwal, ynne da pynlait u ya i dawai Corbevax Vaccine neibynta ki khynnah wa 12-14 snem ha ka yalang wa man ha Little Star Secondary School, Lad Rymbai. 

Ya kani ka yalang da pynman da ka yung krehkaam u District Medical and Health Officer, East Jaintia Hills District heiwa da wan chimbynta ha ka da ki khynnah kamjooh ki manbei manpa.

Advertisement ad1

U Abhilash Baranwal, hawa e yei klam da ong u wa kiwa sikai toh kiwa ye wow pynsñiawthooh ya ki manbei manpa hajrong i emkaam wow chim ya ini i tika yada COVID-19. Da kyntu u ya ki khynnah wow kynjoh ktien ya kiwa sikai kamjooh ki manbei manpa lada em i artatien ki hajrong ini i tika. 

U Dr. Dominic Shylla, District Medical and Health Officer, East Jaiñtia Hills District hawa e yei klam da kyntu u ya ki khynnah wow wan chaphrang wow chim ya ini i tika khnang wow yada na u COVID-19.

Kiwi kiwa da klam kynthup ki ya ka P. Lywait, Public Health Nurse, East Jaiñtia Hills District, Khliehriat kawa da klam hajrong i tika yada COVID-19, ka P. Dkhar, SDSEO da khana ko yei myntoi wow chim ya ini i tika yada COVID-19.

Hadien ini da pynman ya i e tika ya ki 41 ngut ku khynnah ya kiwa da e da i Corbevax, i Covaxin won da e ya ki 26 ngut kiwa hapyrdi 15-18 snem, 6 ngut won kiwa 18 snem chaneiñ kiwa da yoh da i Covishield.

Share this:
Previous

Soi soskular ka Meghalaya wa Assam hakhmat u Amit Shah yow pynbait pood

Next

Col CK Nayudu Trophy: Haap lut ki Wicket ka Meghalaya da 132 Run pyrchah ya ka Nagaland