15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da pynlait paidbah ya ka kot “Ka Iitkhmih Shat Phalang” wa thoh ka R.B. Dkhar

0 Comments
Advertisement ad1
Advertisement ad1
Advertisement ad1

Jowai: Ka Dr. S. Dkhar, Prof. Khasi Department North Eastern Hills University, ha kani ka 14 tarik da pynlait paidbah ko yaka kot thup rwai (Poetry) wa da e pyrtuid “Ka Iitkhmih Shat Phalang” wa da thoh da ka R.B.Dkhar kawa man leh kawi na kiwa sikai Khasi yong ka Thomas Jones Synod College Jowai.

Ya kani ka kot da pynlait haka yaang wada pynman ha Hall ka Thomas Jones Synod College chirup i emlang u Principal ka College u Dr. R.R. Kharkongor, u Vice Principal H.K. Nongpluh, u Rev. B.B. Lamin kiwa sikai ka College wa kiwi kiwi.

Advertisement ad1

Ka kongsan Dr. S. Dkhar hei klam yong ka da ong ko, ka Poetry toh ka iktiar wa khlan hadooh kattæ kattæ wow pynsñiaw yeiwa em ha u nood kiwa thoh, kiwa thoh khih pisa u nood ki wei kjut i mynsien ki hawa yoo ki yeiwon iwon i hiar dor ka jaitbru la hei akor salon, i haap i oor ki khynroo khyllood haka imlang sahlang natlor kiwi won wa chon ha nood yong ki. Kamtæ toh lyngba ki Poetry wai laad ko yaki wow saam wow pynsñiaw ki cha kiwi tawon yei sñiaw wa em ha u nood yong ki.

Hawa kyruiñ ko hei yatoh waka Poetry wada pynlait paidbah ha kani ka sngi, e yaroh ko ya ka kong R.B. Dkhar deiwa ong kani ka kot Poetry yong ka man sakhiat ko kawa em yumut, em dor wei ye u ong leh wa da man ko kawi kawa da ih hei thoh Poetry neibhah lyngba i thoh wada chem ko ha kani Poetry yong ka dkhot “Akor bala bam hynroh” ye u yoo wa hadooh katwon ñiawliar ko ya ka juk wada lai wei i hiardor ka akor ka burom u Khasi natlor kiwi won, tangwa da ong won ko wym wa kani kawa thoh næ myllung ñiawliar bait ko, tangwa chem leh wa em ko i kyrmen i sñiawskem mynsien lyngba i yoo ya kawi won ka dkhot wa ong u “Simpyllieng”.

Neitæ yooluti ko wa hanla dang man ka sien nyngkong yong ka wow thoh Poetry leh, tangwa lyngba i chemphang yong ka u nang ye ko u lai chaphrang hei kaam thoh Poetry.

U W.E. Dhar uwi na ki dkhot ka Khasi Author Society da klam ñiawliar u deiwa ong, i joor i pynemkaam Social Media ha kini ki sngi boon ki bru ym jooh bna de ki wow puræ ya ki kot, kani  pyndooh nong ko ya kiwa thoh neibhah hawa thoh hawa pynmih ya ki kot emkaam leh wow em kiwa puræ.

Kiwi won wa e i klam kynthup ki ya u Rev. K.Syiemlieh, ka R.M.Khonglah kawa sikai Khasi yong ka Thomas Jone College wa kiwi kiwi.

Share this:
Previous

Da pynman ya ka yalang wow pynsniawthooh paidbah yeiwa krehkaam ka EVM-VVPAT

Next

Chah dat ar ngut kiwa kit mooyong na Bhutan ha u PSO u montri sorkar wa ki ar ngut