theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Da pynlait paidbah ya ki Ticket khle nasib ka JYF

Advertisement ad1

Ka seiñ Jaiñtia Youth Federation (JYF) seiñbei ynnin ka sngi da pynlait paidbah ko ya ki Ticket khle nasib namo ka Lucky Draw ha yung krehkaam ka seiñ heiwa da em ka yalang kawa da pynlai da u Oswald B Nampui, President JYF Saipung Circle. 

Ha kani ka sngi da yoh i klam na ka Nidalam Dkhar kawa man ka President ka JSM Women’s Wing Central Body, kawa da e ya ki kyntien kitbok ya ka seiñ. 

U President ka JYF, u OL Tariang da khana u yei thmu ka seiñ wow pynman ya kani ka khle nasib toh wow pynmih poisa ya ka seiñ khnang wow ye ko u pynphet ya ki kaam yong ka khamtam wow e kyrchaan ya ki bru wa emkaam yarap, deiwa kyntu leh ya ki paidbah wow thied ya kini ki Ticket. 

U David Ngaite, Inspector Excise, uwa jooh ksoh kaam kam u Disciplinary Secretary warim ka seiñ da man u kam u kongsan ha kani ka sngi heiwa da kitbok kitrwiang u ya ka seiñ wow dang ye ko u chakri ya ki paidbah. 

Da kyntu u leh ya ki dkhot ka seiñ wow man kiwa kreh chitom katkam i kaamram wa da pynkham ha ki neibynta ka ri wa ka jaitbru.

Chooh chooh da kyntu u ya ki paidbah wow sñiawbha ki u thied ya ki Ticket khle nasib yong ka seiñ. 

Kani toh katkam ka Wyrta na u L. Rymbai uwa man kam u Publicity Secretary ka seiñ. 

Share this:
Previous

Khut ka EJDCA ya ki Club wow wan pyntipmit yow ye u chimbynta ha ka Tournament

Next

Saam ka KSU Moodymmai Unit ya ka Maitchaphrang Academic Award