Ynne ka sngi da pynlait paidbah yaka Music Video wa pyrtuid Activate kawi na i sur rwai yong ka phlim Johkhe kawa man ka phlim danda yong Pnar kawa daw pynlait hadien.
Ya kani ka Music Video Activate da pynlait paidbah da u Moonlight Pariat haka yalang tbian wa pynman ha Yungwalieh Loompyrdi Ïongpiah wada sakhi lang daki kattu katni ngut ki waheh wasian, kiwa chah khut sñiawbha wa kiwi.
U Kiki Garod kam uwa riñ dur ya kani ka Music Video hawa e yei klam ong u, hawa nujor waki por nachwa katni da ku bha i kaam phlim haka jylla, wei i ku wymtoh wa chkeh kiwa riñ, kiwa ak ne waroh kiwa embynta haka phlim næ ki Music Video tangwa toh nei kyrchaan ki paidbah iwa e mynsien chooh chooh u pteiñ ki yei kaam.
Neiliang u Moonlight Pariat hawa klam e yaroh u yei sap kiwa embynta ha kani ka Music Video kamjooh haka phlim Johkhe neibhah wa toh du ki bru wada jooh embynta hei ak phlim weiwa pynka-it kasar bha yaki paidbah.
Kamtæ yooluti u wa ini i kreh chitom u pynlai yaaw wei pynyoh nong bha yaki bar yei por nachwa. Heijooh i por leh u man kawa pynka-it bha yaki paidbah wa boon.
