theme-sticky-logo-alt
theme-logo-alt
Advertisement ad1
Advertisement ad1

Thmu ka BJP wow dam noh u kyrchaan ya ka sorkar wa yahkhmat da ka NPP ha Meghalaya

Advertisement ad1

Ka BJP da thmu ko wow dam noh u kyrchaan ya ka sorkar wa yahkhmat da ka NPP ha Meghalaya hapoh chi bnai wei yeini da yaklam ha ka yalang ka BJP Meghalaya wa chongknor da u BJP National General Secretary (Organisation), u BL Santhosh ynne ka sngi.

Neiliang uwa yahkhmat ka BJP wa pait ya ka Meghalaya, u Chuba Ao da ong u wa hapoh chi bnai daw chim ya ka rai wow dam noh u kyrchaan ya kani ka sorkar jylla wa yahkhmat da ka NPP.

Advertisement ad1

U Ao da ong u wa ka BJP ym em sñiawkmen ko yei rukom krehkaam ka NPP heiyatoh wa i pynemkaam ya ka poisa wa wan naka sorkar pyrdi, i pynkrehkaam ya ki Smart Meter waka Saubhagya Scheme, i tih mooyong pyrchah ya ka aiñ wa i chah pyndik kiwa yahkhmat ka Party ha ri-loom Garo hadien wa chah kem u heh ka BJP hapoh ka jylla, u Bernard Marak uwa da chah pynbaad wa em u ya ka thaw leh awria ha ka Farm House u ha Tura.

U Ao da ong u leh wa ka Party da phah bru yow pynlang ya ki sabut heiyatoh wa ki kaam baamtooh hapoh ka jylla wei daw lai rah yeini cha ka Enforcement Directorate waka CBI.

Da pynsñiaw u leh yei sñiawiñ yei klam u Montri Rangbah, u Conrad Sangma ha New Delhi wa ka Party daw lai ko samen ha kani ka Election MLA ha Meghalaya.

Da ong u leh wa ka BJP ye ko u dam u lai lang waka NPP hadien ka Election deiwa pynrap heijooh i por wa ym ye u chna sorkar khlem ka BJP ha u 2023.

“Ye u leh kamwa ha Manipur heiwa ka BJP da yait ko ya ka NPP,” da ong u Ao.

Share this:
Previous

Da pynlait paidbah yaka Music Video Activate yong ka phlim Johkhe  

Next

Shillong Premier League 2021-22: Jop ka Rangdajied United ya ka Malki