U DC ka East Jaiñtia Hills District da pyntip paidbah u wa i thooh ya kiwa chah ktah nei pdung ha ka krem mooyong wa em ha Mynsngat ka thaaiñ Thangskoo dang pteiñ hi i da ki bru ka NDRF, SDRF, Special Rescue Team (SRT), Police wa ki bor District.
Ynne ka sngi ym em de chem metyap wei kiwa yap da neh ki 27 ngut. Ki paar mooyong wa cha ktah da thooh bniah ki ynne wei daw pteiñ biang mynstep yow pyntikna wa da psiah cha waroh ki bynta.
Ki bor District ka East Jaiñtia Hills District da pynjoor ki leh wow lai kynreh ya ki thaw tih mooyong pyrchah ya ka aiñ deiwa booh 5 tylli ki Team wa kynthup ya ki Executive Magistrate, ki pulit deilang ki bru ka Directorate of Mineral Resources (DMR).
Kini da yoh ki wow kem kamwa 38 MT u mooyong na ki ar tylli ki thaw wa em ha Lumnongthymme wa 87 MT na kawi ka thaw wa em ha Lumbangla wa 175.7 MT na ar tylli ki thaw wa em hapoh ka thaaiñ Rangad deilang ki tiar ki tar wa kawi ka synduk wa em 204 tylli ki Gelatin Stick.
Da lai tympra leh ya ki thaw sah (Camp) ki bru wa tih mooyong wei da booh leh ki FIR pyrchah ya kitu ki bru wa emkti ha kini ki kaam pyrchah aiñ.
Da pynlait leh Rs. 24,00,000 cha ki 8 ngut kiwa yap neiwa jia ha pdung ha Mynsngat, Thangskoo wei kawa sah ka poisa daw su kat dang ye u pynbiang ki kot ki sla na kiwa ha-yung ha-sem kiwa da khlaad.
Da pynkrehkaam leh ya ka Section 163 BNSS da u District Magistrate, East Jaiñtia Hills District yow yarap ya ki bor sorkar yow leh ki yei kaam yong ki.
Da kyntu leh ya ki paidbah wow yait nei tih mooyong pyrchah aiñ.
Discussion about this post