Ka yung krehkaam u Sub-Divisional Officer (Supply), Amlarem Sub-Division da pyntip paidbah ko wa daw pynlait ya i phniang charak (SK Oil) cha ki dukan dai khutia (S.K. Oil Retailer) ha ka 29 wa 30 tarik uni u bnai.
Kamtæ da kyntu ya ki paidbah wow lithooh ki ya i bhah yong ki na ki Fair Price Shop Centre hapoh ki chnong yong ki.
Lada em iwon iwon i ujor heiyatoh wa i chim sy’ad dor (Over Charging) ye ki wow ujor ha ka yung krehkaam Sub-Divisional Officer (Supply), Amlarem, khnang wow ye u leh yeiwa emkaam.
I dor i phniang charak (PDS SK Oil) na ki SK Oil Agency wa Retailer hapoh Amlarem Sub-Division wa da booh u krehkaam i nadooh ka 1 tarik uni u bnai.
I dor na Amlarem Sub-Division toh T. 45.38 chi litre, ini toh deiwa kheiñ yei dor na S.K. Oil Agency, Jowai T. 40, S.K. Oil Sub-Agency wa i bai kit wa T. 2 chi litre, i bai Godown wa i bai kreh T. 1.88 chi litre wa i yoh nong wa T.1.50 chi litre.
I dor dai khutai toh T. 47.38. deiwa kheiñ yei dor ka S.K. Oil Agency, Amlarem T. 45. 38 chi litre, bai kit T. 1 chi litre wa i yoh nong wa T.1 chi litre.