U Chief Minister ka jylla, u Conrad K. Sangma ynne da pynlait u ya ka First Installment ka Umbrella Post-Matric Scholarship neibynta ki Scheduled Tribe kiwa lai puræ neibynta u Academic Year 2025-26 ha ka yalang wa da pynman ha Shillong College deiwa emlang u Education Minister, u Lahkmen Rymbui.
Da pyntip wa neibynta uni u snem 2025-26, da em 96,812 ngut kiwa da yaleh kiwa kam ki ST Students na kylleiñ ka Meghalaya kiwa da ye u pyntikna wei waroh dapoi ko Rs. 198.42 klur ka Scholarship.
Neiliang ka Ministry of Tribal Affairs ka sorkar India da e ko yei bhah yong ka iwa dapoi Rs. 84.55 klur heiwa i bhah ka sorkar jylla iwa 10% dapoi ko Rs. 9.40 klur.
Kani kawa da pynlait ynne kawa Rs. 93.698 klur man ko kam ka First Installment neibynta ki 96,812 ngut kiwa yoh myntoi ha kylleiñ ki District, heiwa ya ka poisa u phah da ka Direct Benefit Transfer cha ka Bank Account ki khynnah.
U Conrad da pyntip u wa daw chimpor 4-5 sngi yow poi kani ka poisa iwa daw leh da ka RBI ka wow pait ya kawi pa kawi ka 96,812 tylli ki Account hapoh ka SNA, wei kani ka jooh leh toh kawa pait ya ki hajar tylli ki Scheme ha kylleiñ ka ri.
Da kyntu u wym toh u khuslai lada ym poi ka SMS pyn myntu ka sngi neibhah daw em leh ki sngi chuti kam ka Raksha Bandhan kamjooh ka sngi Saturday wa Sunday.
Da pyntip u leh wa ka National Scholarship Portal neibynta u Academic Year 2026-27 da wai ya ka nadooh ka 3 tarik u July, 2026 hadooh ka 30 tarik u November, 2026 neibynta ka Pre wa Post-Matric Scholarship neibynta ki ST Student. Wei da phah ya kiwa kreh sorkar wow pyndep smat ki yei kaam yow lait u pynslem.
Da kular u leh wow booddien ka sorkar jylla ya ka sorkar pyrdi yow pynlait smat ko yei bhah yong ka.
Discussion about this post