Ka Kot “Tynre-Back to my roots”, kawa da thoh da u khynroo Daohi Manar, uwa na ka chnong Dulong da pynlait paidbah ya ha ka 22 tarik uni u bnai.
Kani ka kot toh kawa kynthup ya ki kyntien kynood sur rwai kiwa hei ktien Pnar, Khasi wa ha ka ktien English. Da thoh ya ki kyntien kynood sur rwai kiwa yatoh wa ki parom ki khana pateiñ yong ki waheh, kam ka parom U Sajar Nangli, U Woh Kiang Nangbah, Ka Syiem Latympang kamtæ ter-ter.
Hadien wa ka Notion Press Publishing House da dep pait bniah (Examined) ko ya ka kot, da pdiang ko wow chon wei wow pynmih (Publish) ya kani ka kot.
I yumut yong kani ka kot Tynre-Back to my roots toh wa hanlada em i cha chnong para, yei tre i thied yong i dahi wym hoi u mylliñ, hadooh i akor-salon, ki riam ki bait, ki dustur riti.
Kani ka kot da thoh kyrpang (Tribute) ya ki Ma ki Woh, ki Beipun, ki Waheh nachwa kiwa da khana parom (Oral lore) na u thylliej ha u thylliej, kiwa da saam pateiñ ya ki parom wa kyrpang yong ka jaitbru. Neibhah lym em ki, ym yoh i u tip ya kini ki yi kiyi kiwa ka Ri Pnar, Ri Jaiñtia yong i em ko.
Ya kani ka kot ye u yoh ha ki dukan (Store) yong ka Notion Press kawa man kawi naki thaw pynmih kot wa paw yong ka India, naka Amazon wa naka Filpkart.
