Ka Video wa dang pynmih wa riñ da ki CCTV da pynyoo ko ya uwi na kiwa kit bomb uwa tympdung pyn da oo ya oo hi wei hachwa wow psiah u hapoh ka yungmane wa em ha Sri Lanka da tba u na khlieh wa tympha ya kawi ka khynnah kynthai kawa lai luti na khmat u chwa wow psiah u chapoh kani ka yungmane.
Ka Video wa da pynlait pynyoo ko ya ki kattu katni Second chwa wow jia iwa sñiawsih hapoh kani ka ri heiwa palat 350 ngut da dooh ki yei mynsien ha i pdung bomb wa jia ha kiwa boon ki thaw nadooh ki yungmane wa ki Hotel haka Easter Sunday.
Ka Video wa da pyllait toh kawa jia ha St. Sebastian’s Church, Negombo kawa pynyoo ya uwi u bru wa psiah cha kani ka yungmane uwa kit muna wa heh ha ryngkhi u.
Ha kani ka Video da yoo wa heipor wa poi u ha pchem kani ka yungmane da toh pynwit ya i lai luti u da kawi ka khynnah kawa da tba u ka yow pynlait u lai luti ko wei da pteiñ u wow lai yow psiah chaka yungmane.
Kani ka khynnah toh ka ksu u Dilip Fernando uwa em 66 snem uwa da wan cha ka yungmane St. Sebastian neibynta wow chimbynta haka Mass, tangwa neidaw wa boon bru da rai noh wow lai cha kiwi ki yungmane wa duna bru.
Ini i ri da pynlait im ko ya ki katwa kiwi kiwa em yatoh u Fernando chong ki cha lait wei da lait im ki leh.
Ha i por wa jia, ka yaseiñ da poi ko chajan wa kut heiwa da ki spah ngut da wan ki wow chimbynta haka Easter Mass wei da khreh ki leh wow mih noh.
Na ki Camera CCTV wa em hapoh kani ka yungmane da yoo wa uwa kit bomb da psiah u na kawi ka dwar kani ka yungmane wei ha ini i por da pynkut noh ya ka Video chwa wow tympdung u ya u Bomb.
Kiwa emyatoh wa u Fernando kiwa em ha lait da ong ki wa yoo hi ki ya uni u bru tangwa ym em suba ki iyi iyi leh ya uwa kit muna.
Discussion about this post