15 49.0138 8.38624 1 1 4000 1 https://wyrta.com 300 0

Kyntait u CEM ka KHADC yei dawa ki MDC ka Congress wow pynku ya ka bhah ki MDC naka T. 50 Lak cha ka T. 1.5 Klur

0 Comments

Shillong: U Chief Executive Member (CEM) ka KHADC u Teiñwell Dkhar da ong u wa ka Executive Committee (EC) ka Council u pynneh hi ko ya ka T. 50 Lak wada yabhah cha ki MDC naka Grant wa yoh hapoh ka Special Assistance Grant naka sorkar pyrdi kawa da yabhah cha uwi pa uwi u MDC yow wanrah ki ya ki kaam pynroi.

Hawa yaklam wa kiwa thoh khubor ynne ka sngi da ong u wa ki MDC ka Congress da yahcem ki wa oo yow dawa u pynku ya ka Grant wa da saam cha ki MDC cha ka T. 1.5 Klur naka T. 50 Lak.

U dkhot ka Executive Committee (EC) u Titoswell Chyne da ong u wa ka mang poisa naka sorkar pyrdi toh T. 52 Klur tangwa da yoh won T. 34 Klur donhi.

Hawa kylli wa lada ka EC daw chong pyrkhat ko yei dawa ka Congress, u Dkhar da ong u wa ka EC da chim ko ya kani ka rai deiwa mynjur lang wei u neh hi kani ka rai.

Hawa jubab won yeiwa pynbaad ka Congress wa ki dkhot ka liang synchaar hapoh ka United Democratic Alliance (UDA) wa ym tip ki ya kani ka rai wow e T. 50 Lakh ya uwi u MDC, u Dkhar da jubab u wa ym em kam i tæ.

Advertisement ad1

0 Comments

Leave a Reply