U montri rangbah ka jylla, u Conrad K Sangma ynne da ong u wa hadien ka yalang yong ka Central Mine Planning & Design Institute Limited (CMPDI) wa ka Department of Forest and Mining da pyntip wa da pynlait ya 4 tylli ki Mining Lease wow sdang tih mooyong biang ha ka jylla.
U Conrad da ong u wa ka thong toh chibynta wow pyndap (Reclaim) ya ki krem moo lada ki Minor Mineral namo ki Major Mineral, neibhah wa da em ka poisa wow pynmiat u pyndap ya ki krem moo wei kwah ki wow sdang kreh wa kiwa boon ki karkhana tangwa katni ka CMPDI toh kawa da chemphang bha kawa man ka chnat ka sorkar pyrdi. Da yaklam yillu bha wa ki heiwa kammon u kreh neibynta ini.
Deiwa ban joor hajrong ka Scientific Mining, u Conrad da ong u wa em chiboon ki moochynthut kamtæ da pyntip u wa ha ka tayaaw wa dadep ka sorkar da pynlait ko ya ka Mining Lease cha ki soo ngut ki bru.
Da ong u wa emkaam u tih moo toh katkam ka Scientific Mining wa Legal Mining wow sdang ha ka jylla. Manda pynman ya ka Public Hearing wa ka Forest Clearance wei da pdiang ya ka Mining Plan tæ da toh u tih moo ha ki 30 hadooh 45 sngi wow yohbor u tih.
