Ka KSU – West Jaiñtia Hills District Unit da pynkup burom ko ya u Teimiki Sungoh na ka chnong shangpung uwa wan nyngkong ha ka Advance Mountaineering Course ha ka Himalayan Mountaineering Institute Darjeeling.
Ha i pynkup burom da emlang u Phrangki Papang uwa man u finance secretary, u Soowatki Law u asst environment secretary, u Platini Mukhim sport secretary wa u Leningrad Tariang u general secretary ka seiñ.
Ha kani ka sngi da yoh i klam wa tbian na u Leningrad Tariang heiwa da kyntu u ya uni u khynroo wow kreh chitom choooh khnang wow wanrah burom chooh chooh ya ka yung ka sem wa ka jaitbru heiwa da e mynsien ki ya kiwi ki khynnah kiwa em ka sap ha ki jait yalehke waphær waphær.
U Teimiki Sungoh da ong u wa ki khynnah ka jylla wa lai chimbynta ha kani ka jait yalehke maad ki chiboon i eh i khor ha kani ka yalehke kiwa ye bha u ku ha kani ka jait yalehke sports.
Ka seiñ da ka kyntu ko ya ka sorkar wa kyruiñ cha kani ka jait yalehke khnang wa ki khynroo u yohbor yoh mynsien chooh ki ha kani ka jait yalehke.
