Ka Department of Arts & Culture ynne da sdang ko ya ka Jan Jatiya Divas ha Conference Room, Main Secretariat, Shillong heiwa u montri ka chnat, u Paul Lyngdoh da man u kam u kongsan hei emlang u F.R Kharkongor, Principal Secretary, Arts & Culture, wa kiwi kiwi.
U Paul hawa e yei klam da ong u wa ka Janjatiya Gaurav Divas da lehkmen ya ka man ka 15 Khonchonglad wow kynmoo ya ki khlawait na ki jaitbru ri-loom kiwa da yakhun laitlooid wei man ko leh ka sngikha u Bhagwan Birsa Munda, uwa man u khlawait wa man u nongmuna hadooh katni.
Da ong u leh wa kani ka sngi pynkynmoo ko ym du yei mynsien wa da e kini ki khlawait tangwa pynpsiah ko leh ha i yei sñiaw laitlooid khamtam ya ki jaitbru ri-loom. Pynkynmoo ko leh ya ka parom wa mahajon la hei yakhun, yatylli kamjooh i sñiawtre ya ka ri iwa pynwandur ya i rukom im hadooh kini ki sngi.
Kani ka sngi pynyoo ko leh yei man kyrpang ki seiñ ri-loom wow yada yei man kyrpang ka ri hanlada man ko kawa da tia chaphrang.
Ha kani ka sngi da kynmoo warom ya u Tirot Sing, Kiang Nangbah, Pa Togan Sangma, Phan Nonglait wa kiwi heiwa da yakhun ki wow yoh laitlooid iwa ktik ya i mynsien kiwa boon hadooh kini ki sngi.
Ha kani ka sngi da pynlait leh ya ka Adi Sanskriti Video- Digital Tribal Art Series ka Meghalaya, ka kotdur yong ki khlawait ka ri wa da pynmih da ka Sauramandala wa ka Tri Hills Creatives & Tri Hills Festival Calendar.
Discussion about this post