Jowai: U Deputy Commissioner (Supply), West Jaintia Hills District, Jowai da pyntip u wa ya u khoo Antyodaya Anna Yojna (AAY), Priority House Hold (PHH) wa u Non-NFSA neibynta u bnai Khonchonglad (Nov) wa u Kmaichonglad (Dec) 2018 da pynlait wei ye u yoh na waroh ki dukan F.P. Shop ka District.
Ya u khoo Antyodaya Ann Yojna (AAY) daw saam 35 Kg ka wi ka AAY FI Card heiodor T. 3 chi kilo neibynta ki kiwa em cha sor wa cha nongkyndong ya u bnai Khonchonglad wa u Kmaichonglad 2018.
Ya u khoo Priority House Hold (PHH) neibynta u bnai Khongchonglad (Nov) 2018 u saam 3.73 Kg chi khlieh heidor T.3 chi kilo neibynta kiwa em cha nongkyndong wa cha sor katwa neibynta u bnai Kmaichonglad (Dec), 2018 u saam 5 Kg chi khlieh hei dor T. 3 neibynta cha sor wa nongkyndong. Ka Balance Stock toh 1.27 Kg chi khlieh neibynta u Khonchonglad (Nov) hei dor T. 3 chi kilo.
Ya u khoo Non-NFSA neibynta u Khonchonglad (Nov), 2018 u saam 2.94 Kg kawai ka manyung hei dor wa booh ka Vigilance Committee i wym toh u palat yei dor T. 13 chi kilo neibynta kiwa em cha sor wa cha nongkyndong. Ha u bnai Kmaichonglad (Dec), 2018 won u saam 7 Kg kawi ka manyung hei dor wa booh da ka Vigilance Committee ym wym toh u palat T. 13 chi kilo neibynta cha sor wa cha nongkyndong. Ka Buffer Stock won 1.76 Kg kawi ka manyung hei dor wa da booh da ka Vigilance Committee i wym toh u palat T. 13 chi kilo ya waroh ki thaw wa cha sor wa nongkyndong.
Discussion about this post