Jowai: Ynne ka sngi ha ka 3rd Division ka WJDSA da pyndep ya ki yalehke Semi Final heiwa nyngkong da pynman hapyrdi ka Dongmihsngi waka Moodymmai.
Ka Dongmihsngi da pynrem ko ya ka Moodymmai da 2-1.
Ya ka Dongmihsngi da thap kool u Banpynkhraw Bhoi ha ka minit wa 27 wa 61 katwa ya ka Moodymmai da thap da u Betterness Sumer ha ka minit wa 12.
Ha ka Semi Final wa bood ka Iawmulong Nartiang da pynrem ko ya ka Mooknor 2-1.
Ya ka Iawmulong Nartiang da thap kool da u Living Suja ha ka minit wa 35 wa u Morning Talang ha ka minit wa 75 katwa ya ka Mooknor da thap da u Jopbait Lamare ha ka minit wa 74.
Kamtæ ka yakhun Final ka 3rd Division u pynman hapyrdi ka Dongmihsngi waka Iawmulong Nartiang ha ka 18 tarik uni u bnai heipor 1 waje i sngi.
Kam wow pynkynmoo wa mynstep ka 14 tarik daw pynman ya ka Final ka Super Division hapyrdi ka 7 Wasa United waka Sabah Muswang heipor 1 waje i sngi.
Discussion about this post