Ha jylla Sikkim, ki 9 ngut kiwa da chait na u COVID-19 da pynlait yaki napoh ka Isolation Ward ka Ayush Hospital, Kyongsa, West Sikkim ynne ka sngi. Katwa uwi won toh uwa chah sumaar ha STNM Hospital.
Ya ini da pait da u DC, West Sikkim u Karma R. Bonpo, u Tashi Wangyal, SP West Sikkim, u Karma L. Lepcha, ADC West wa Dr. Anusha Lama, CMO (W) deilang wa kiwi ki sahep ka chnat i chait i khiah.
U DC hawa e yei klam yong oo da e khublei u ya kiwa da chait kiwa da ye wow jop ya uni u khñiang deiwa kyntu ya ki leh wow sumaar bha ki ya idæ wa em ki i kitkhlieh ya kiwa maya yaki wei wow bood thij yaki kyndon hawa leh yaka Home Quarantine.
Da ong u leh wa kitu kiwa dang em ya uni u khñiang ym toh wow khuslai ki, wei deiwa chimkhia ki yei chait i khiah, deiwa baam yaki baam wa bha deiwa leh Yoga daw smat ki wow chait. Da kitbok kitrwiang u leh wow chait smat ki yow yoh ki u liwan smat cha yung.
Yaki 5 ngut kiwa dang sumaar ha kani ka jooh ka thaw man ki kiwa khlan kiwa ym em chitom wei dang booh hi yaki ha Ayush Isolation Center.
Neiliang ka Dr. Anusha Lama, Chief Medical Officer (CMO) West da pyntip ko wa kini kiwa da chait toh kiwa da dep Test arsien. Katwa ya ki 5 ngut kiwa dang em ya uni u khñiang daw phah Test biang yaki haka 27 tarik.
Ha iwi tawon i liang, da em sa 4 ngut kiwa yoh COVID-19 kiwa na South District.
Wa kini, waroh kiwa da chait da em ki 39 ngut, kiwa dang em ya uni u khñiang da em ki 44 ngut iwa da poi waroh 83 ngut.
