15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da pynman Containment Area ya ki thaw ha Golflink wa kiwi de

Advertisement ad1
Advertisement ad1

Shillong: Neidaw wa em kiwa yoh COVlD-19 ha ki yung wa Compound ka Elinora Lyngdoh waka Margaret Lyngdoh ka Block 2 Golflink Khlieh Shnong, Shillong, i yung ka Perlinsila Rumnong hajan ka Bilco School, Pynthorbah, i yung u Bapon Dey, Saint Nanak School Lane, Pynthorbah wa i yung u Mildred Pyngrope hajan Shiv Mandir, Block-2 Pynthorbah, Shillong wa ha yung wa Compound u Karuna Dey, Lane No. 3 Plot No. 44 ha R.R. Colony, Shillong.

Kamtæ ka District Magistrate, East Khasi Hills da pynmih hukum ko ynne ka 31st July, 2020 wa neidaw wa em kiwa em hei maa wa ye u yoh COVID-19 kamjooh yow leh yaka Quarantine, i Contact Tracing wa kiwi kiwi kiwa emkaam yow yada yei chait i khiah ki paidbah yow lait u poor u COVID-19, da pynbna ya kini ki yung ki thaw wa da kdaw haneiñ kam ki Containment Area yow lait nei psiah i mih khlem yoh bor cha kini ki thaw.

Advertisement ad1
Advertisement ad1

Ka hukum da khang ko leh wa kiwon kiwon ki bru kiwa em hapoh kini ki Containment Area wow mih ki cha lait wei wow neh bait ki hapoh yung katwa kiwa na baar wym toh u psiah ki chapoh.

Da khang wow pynman ya kiwon kiwon ki yalang paidbah kamjooh ki kaam khayi pateiñ.

Waroh ki dukan toh u man ki kiwa khang heiwa ya kiwa emkaam daw pynbiang da ki bor District.

Waroh ki yung krehkaam sorkar kamjooh ki yong ki bru samen toh wow man ki kiwa khang hadooh wa pynmih hukum da kamwi.

Kani ka hukum ym em khang ko ya ki wakreh i chait i khiah, Shillong Municipal Board, ki laad pathai khubor, Petrol Pump wa kiwa li booh yaki tadong LPG.

Ya kiwa leh pyrchah daw pynchitom yaki katkam ka Disaster Management Act, 2005 wa IPC.

Share this:
Previous

Phah takit ka MHRC yeiwa yap i khonboo ha Ganesh Das

Next

Da pynlait ya ki 7 chnong hapoh Amlarem Sub-Division nei man Containment Area