U Sub-Divisional Magistrate ka Mairang Civil Sub-Division, Mairang ha ka hukum wa da pynmih ynne ka sngi da pyntip wa na i daw wa ku smat kiwa yoh COVID-19 wei wa boon kiwa em hei maa wow yoh ya uni u khñiang ha ka chnong Pyndengumiong, Mairang Civil Sub-Division, da pynbna ya ka chnong Pyndengumiong kawa kynthup ya ka Dong Lumiew, Dongbir, Dong Gate, Lummaralong, Langstiehrim wa Umwiehsup kam ka Containment Zone kam chibynta wow kdoh u khoom yei poor ka khlam COVID-19.
Da phah wow pait bniah lada em iwon iwon i dak i chin wa chitom wei wow chong khop ha yung wei ym toh wow yakhleh wa kiwi.
Da khang leh wow wai ya kiwon kiwon ki dukan wa em ha kani ka chnong wei ym toh wow leh ya kiwon kiwon ki kaam chna yung.
Ya kiwa leh pyrchah daw pynchitom katkam ki kyndon aiñ yong ka Disaster Management Act, 2005 wa ka IPC.
Kam wow kdaw heini wa nadooh wa sdang ka khlam COVID-19 wa hadooh katni, ha ka chnong Pyndengumiong da em kamwa 113 ngut kiwa chong chnong kiwa da chah ktah ha kani ka khlam wei da dooh yei mynsien ki 7 ngut na ka khlam. Hadooh kattæ da em kamwa 18 ngut kiwa dang em ya uni u khñiang ha ka chnong Pyndengumiong.
