Neidaw wa em 11 ngut kiwa yoh COVID-19 ha yaw Phulbari, West Garo Hills kawa haap hapoh ka Phulbari PHC wei da em leh kiwa boon wa yachem wa kiwa yoh ya uni u khñiang wei da emkaam wow booddien ya ki kamjooh wow leh ya ka Quarantine wa kiwi kiwa emkaam yow yada ya ki paidbah.
Kamtæ neiliang u District Magistrate ka West Garo Hills District da pynbna u ya ka yaw Phulbari wow man ko kam ka Containment Zone yow khang yei psiah i mih khlem da yoh bor cha kani ka yaw.
Ya kiwa em hapoh kani ka thaw, toh u neh bait ki hapoh ki yung ki, ym chah wow pynman ya kawon kawon ka yalang paidbah hapoh kani ka Containment Zone wei waroh ki dukan u man ki kiwa khang chisyndon kamjooh leh ki yung krehkaam sorkar wa ki yong ki bru samen.
Kani ka hukum ym em khang ko ya ki wakreh hei kaam sumaar sukhær wow leh ki yei kaam yong ki kamjooh ki bru wa kreh ha ki kaam wym hoi u dam.
Ya kiwa leh pyrchah daw pynchitom katkam ka aiñ Disaster Management Act, 2005 wa ka IPC.
