15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da pynman da ka Parent’s- Guardian- Teacher’s Meeting ka Jowai Govt Boys

0 Comments
Advertisement ad1
Advertisement ad1

Jowai : Neibynta wow ye chooh chooh u kyntu kynrong yei rukom e sikai ya ki khynnah skur ka Jowai Govt Boy’s H/S School ynnin ka 17 tarik da pynman ko da kayalang ki wasikai wa ki bei ki pa ki khynnah næ ka Parent’s- Guardian- Teacher’s Meeting ha District Library Auditorium Jowai heiwa da ki spah ngut ki manbei manpa da chimkhia ki u yawan.

ptg

Advertisement ad1
Advertisement ad1

Da pynlai yaka yalang da u ma P. Passah (Senior Teacher) heijooh ipor da pyntipmit u ya waroh ki wasikai yong ka skur. Hei klam wa tbian yong oo da kyntu u ya ki paidbah yow thoohlad ki na ka sorkar heiwow pynim biang ya ka hostel kawa da jooh em khnang yow lait ki khynnah nei chong yungwai iwa ktah ya ka yarong poisa yong ki bei ki pa khamtam kiwa wan na ki chnong kiwa jngai.

pp

U Ma R.K Diengdoh, Asst Lecturer H/S da kyntu joor u ya ki bei ki pa yow bahkhlieh ki neibynta ki khon ki kti yong ki, kamjooh da pan u yei yakrehlang yong ki neibynta wow ye bha u saiñdur yaka mynried yong ki khynnah.

U Ma R. Dhar, Senior Teacher da ong u wa ki khynnah katni ym jooh em de u rah ki ya ki kot (text book), kamtæ kyrpad u ya ki bei ki pa yow chimkhia ki u pyntikna wa ki khon yong ki u rah ki ya ki kot ki sla katkam ka routine wada booh. Kamjooh u pynbiang ya ki Birth Certificate, heijooh ipor u soi ki ya ka leave record khnang yow lait ki khynnah u thok. Kyntu u leh wa ki khynnah kiwa wan na ki yung kiwa jngai emkaam u rah ki ya ki tiffin khnang yow lait nei wanslem.

rdhar

Da pyntip u wa ka skul daw lehkmen ko ya ka Platinum Jubilee hei iakrehlang wa ka ALUMNI yong ka skur, ya kani u sdang nadooh u bnai Kmaichonglad (Deccember) 2016, hajrong kani da ong u wa kiwon kiwon kiwa kwah u pynmih ya ki article, poetry næ kiwon kiwon ki jingthoh wow pynpoi ki cha u Secretary yong ka Jubilee Committee.

Da yoh i pachat yumut na ki manbei manpa kam na u ma Chanbor Ryngkhlem, u ma Living Suchiang wa ka kong Senerita Langshiang, heiwa da pachat yumut ki wow syndong yei elad u pynemkaam bakla ya ki mobile phone, i akor- salon, kamjooh yow e ya ki monthly test.

mpa

Khaddooh da yoh yei klam na ka M. Pde Principal yong ka skur heiwa da yaroh ko ya waroh ki wasikai yong ka skur neibynta i kreh chitom yongki. Heijooh i por da pynkynmoo ko ya ki aiñ yong ka skur heiwa ki khynnah hap ki u bood neibynta wow ye u pyllai ryntih ya ka skur.

mpde

Da yoh leh ya ki kyntien ekhublei na u Sir A. Jha Senior Teacher yong ka skur.

Share this:
Previous

Ya tyrrah ka Nightsuper wa ka Pick-up wa kit khonsyiar

Next

Da chna ya u sarok na NH 44 cha NH 40 E du neibynta ki kari khian : M. Nongpluh