Shillong: Neidaw wa em kiwa yoh COVID-19 kamjooh wa em kiwa em hei maa wow yoh ya uni u khñiang wei yow ye u leh yeiwa emkaam yow yada yaki paidbah nei poor kani ka khlam. Ka District Magistrate ka East Khasi Hills da pynbna ko ya i yung u Algino Sangot wa em ha Nongrimmaw Shillong wa i yung ka Oklin Kharbhih, ka Phaitimai Kharbhih, ka Mitimai Kharbhih, ka Lilin Kharbhih, ka Bibiana Kharkrang, u Koshon Sohlang wa u Jopkupar Kharbhih wa em ha chnong Lumsohriew, Mawphang C&RD Block wow man ki kam ki Micro Containment Areas nadooh ka 15 tarik uni u bnai yow khang yei psiah i mih khlem yoh bor cha kini ki thaw.
Neidaw won wa em wa yoh COVID-19 wa psiah cha i dukan Satyanarayan Jiwan Ram, Police Bazaar, Shillong, da pynmih hukum wow phah khang chipor ya ini i dukan nadooh ka 15 tarik uni u bnai.
Na i jooh i daw da phah khang ya i dukan J.B. Textiles, Police Bazaar, Shillong chipor hadooh wa pynmih hukum da kamwi.
Ha kawi won ka hukum, hadien wa da dep wow leh yeiwa emkaam wei da yoh yaki Report, ka Deputy Commissioner, East Khasi Hills District da pynmih hukum ko ynne ka 15 tarik yow chah biang u wai ka Grace Hotel, Jail Road, Shillong deiwa bood yaki kyndon.
Da pyndam leh yei pynman Containment Area ya i yung ka Biola Mawthoh (kawa chong wai) ha i yung ka Y. Mawniuh, Mynsain, Mawnei, Lower Lumparing nadooh ynne ka 15 tarik.