theme-sticky-logo-alt
theme-logo-alt
Advertisement ad1
Advertisement ad1

Da pynman Micro Containment ya ka chnong Sahsniang-A

Advertisement ad1
Advertisement ad1

U DC ka West Jaiñtia Hills da pynmih hukum u ynne ka sngi yow pynbna ya ka Sahsniang-Awow man ko kam ka Micro-Containment Area kawa em hapoh Laskein Block hadooh wa pynmih hukum da kamwi.

Ya kani ka hukum da pynmih hadien wa chem ya kiwa yoh COVID-19 wei da em leh kiwa em hei maa wow yoh ya uni u khñiang, kamtæ da emkaam wow leh ya ki Test, i phah chong kset, ki booddien wa kiwi kiwa emkaam.

Advertisement ad1

Ka hukum da khang ko ya kiwon kiwon wow psiah u mih cha kani ka Containment Area khlem da yoh bor wei kiwa em hapoh kani ka thaw wow neh bait ki hapoh yung.

Ym chah wow pynman ya kiwon kiwon ki yalang paidbah, ki yalang niam wa ki kaam khayi pateiñ. Waroh ki dukan, ki yung krehkaam sorkar wa ki yong ki bru u man ki kiwa khang chisyndon hadooh wa pynmih hukum da kamwi.

Waroh ki kari kiwa wan na baar kiwa lai luti ym toh wow sngeh ki hapoh ka Containment Area.

U Incident Commander u man u kam u Supervising Officer kani ka thaw wa pynman Containment Area.

Kani ka hukum ym krehkaam ko ya kitu kiwa kreh ha ki kaam sumaar sukhær, ki bru wakreh u Deputy Commissioner, West Jaiñtia Hills District, Jowai wa kiwi ki heh wa ki wakreh ka sorkar kiwa leh ya ki kaam wym hoi u dam (Essential Services), ki laad pathai khubor wa kiwa li booh tadong LPG.

Kiwon kiwon kiwa leh pyrchah ya ka hukum daw pynchitom katkam ka aiñ Disaster Management Act, 2005 wa IPC.

Share this:
Previous

Ka jylla da jan dap 50 snem, ka Jowai tang i thaw nohjhep ym yoh

Next

Khut u DC ka EJH wow tyrwa pyrtuid neibynta ka Subhash Chandra Bose Aapda Prabandhan Puraskar Award