theme-sticky-logo-alt
theme-logo-alt
Advertisement ad1

Da pynman Micro Containment ya ka Dulong

Advertisement ad1
Advertisement ad1

U DC ka West Jaiñtia Hills District da pynmih hukum u ynne ka sngi yow pynbna ya ka Dulong, Jowai kam ka Micro Containment Area chisyndon hadooh wa pynbna da kamwi.

Ya kani ka hukum da pynmih neidaw wa em kiwa yoh COVID-19 kamjooh kiwa em hei maa wow yoh ya uni u khñiang, kamtæ yow ye u leh yei booddien, ki Test, i pynchong kset kam chibynta wow yada nei poor uni u khñiang da pynbna noh ya ka Dulong kam ka Micro Containment.

Advertisement ad1

Ka hukum da khang ko yei mih wei psiah chapoh kani ka thaw khlem da yoh bor wei kiwa em hapoh kani ka thaw wow neh bait ki hapoh yung.

Waroh ki dukan, ki khayi pateiñ, ki yung krehkaam sorkar wa ki yong ki bru samen wa em ha kani ka thaw u man ki kiwa khang. Ym chah leh wow pynman ya kiwon kiwon ki jait yalang paidbah.

Ki kari wa lai luti na Dulong ym khang ya ki tangwa ym toh u sangeh ki hapoh kani ka thaw.

U Incident Commander u man u kam u Supervising Officer kani ka thaw yow pait yei pynkrehkaam ya ka hukum.

Kani ka hukum ym krehkaam ko ya kitu kiwa kreh ha ki kaam sumaar sukhær, ki bru wakreh u DC wa kiwi ki chnat sorkar kiwa leh ya ki kaam wym hoi u dam, ki laad pathai khubor wa kiwa li booh tadong LPG.

Ya kiwa leh pyrchah daw pynchitom katkam ka aiñ Disaster Management Act, 2005 waka IPC.

Share this:
Previous

Hun mynsien u Conrad hadien wa booddien ya ki kaam pynroi ha thaaiñ Tura

Next

Kiwa da pyndep ya ka MTET ym emkaam de ki wow yaleh biang ya kani ka Exam