Da Pynman Public Hearing hei yatoh wa ka Entry wa ka Exit Point ha Khanduli

Jowai : Ka Meghalaya Institute of Governance ha kani ka 30 tarik yong u bnai wa dep da pynman ko da ka yalang paidbah (Public Hearing) hei yatoh wa ka Integrated Facilitation Center on Exit & Entry Point ha ka chnong Khanduli.

Kani toh kam chi bynta ka aiñ Right to Fair Compensation and Transparency in Land Acquisition, Rehabilitation and Resettlement Act, 2013 kawa mut ka aiñ wa pait yei hok ki bru wa da e wei da dai ya ki thaw yong ki cha ki kaam pynroi ka sorkar.

Ha kani ka yalang da pyllai da u ma Aiban Swer, OSD, Meghalaya Institute of Governance hei emlang u D.M. Wallang, MCS, ADC (Revenue) deilang wa ki bor synchaar ka chnong wei da wan leh kamwa 100 ngut ki dkhot ka chnong.

Neiliang kiwa pait ya ka Social Impact Assessment Study hapoh kani ka aiñ da puræ ki yei chem yong ki hei yatoh wa kani ka Entry & Exit Point.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hadien ini da elaad ya ki paidbah u pynsñiaw ki yei artatein ki hei yatoh wa kani ka phang. Heiwa neiliang kiwa chong chnong da pynsñiaw ki yei tieñ ki deiwa em kani ka entry exit point khamtam ya ki pulit Assam yei psiah yabor ki cha u pood u ang ka Meghalaya.

Kiwa sah cha kani ka thain kam u ma C. Nongrum wa u ma Endro Kharkongor ong ki wa boon ki hali pathor haap ki chapoh ka jylla Assam boi ye ki u dooh nong neidaw wa em kani ka Check Point boi daw hap su bai lai bai wan.

Da kyntu kiwa chong chnong yow booh da ki bru pnar heini i thaw yow lait ki nei chah leh bein kam hei chah khrong khajana yow yoh ki u kit ya ki mar ki mata ki khlem toh heiwon heiwon i dan.

U ma D.M. Wallang ong u wa ya i thaw psiah (Entry Point) daw booh na liang timun wei ini daw yarap ki ya ki bru kiwa psiah khamataam ya kiwa rep neibhah ym cha khrong poisa de ki ha kiwa lute namo ki bru seiñ wa rah suloi.

Kattæ leh yow pynhun ya ki paidbah da booh sa ka Expert Group kiwa kynthup ya arngut uwi u chynrang wa kawi ka kynthai yow embynta ki ha kani ka dhab.

Hawa kut da phah rah kti ya ki paidbah wa lada kyrchaan ki næ ym em ya kani ka Entry wa ka Exit Point heiwa boon da rah kti ki yow kyrchan ya ka.