Da pynman ya i bichaar ya kiwa stat u pynwandur ya ki sula neibynta ka Miss Jowai

Jowai: Hadien waka Diza’s Socio & Sport Club chirup wa i yakrehlang waka District Administration da dep pynman ko ya i bichaar wow jied ya kiwa jop ya ki Sub-Title yong ka Miss Jowai 2018-2019 wa kynthup ka Miss Talented, Miss Congeniality, Perfect 10 waka Miss Photogenic haka 15 tarik uni u bnai, ynnin ka sngi won da pynman ya i bichar wow jied yei naam Upcoming Designer næ kiwa stat u pynwandur sula riam wa miat dooh neibynta ki 16 ngut ki khyllood kiwa ya chimbynta haka yakob Miss Jowai ka wow man ha ka 2 tarik u Naichiphaw.

Heini i bichaar ya ki riam yong kiwa chimbynta ka Miss Jowai da emlang leh chirup wa kiwa pynriam wa pynwandur ya ki sula tangwa da em leh kiwa chimbynta kiwa da pynkhreh pyn da ki hi ya i riam yong ki.

Yei bichaar da leh nyngkong deiwa sap kiwa chimbynta deiwa lai pynyoo rong ya ki wei hadien da wanrah ya i riam ha khmat kiwa bichaar wei kini ki jooh ki riam leh daw sap ya ki ha ka sngi pynman Miss Jowai.