Hadien wa ynnin u snem da hap pynman ya ka Cherry Blossom Festival ha Polo Grounds, Shillong iwa da wanrah yei iwa boon i ood da kiwa boon nadooh wa chitom i lai kjat hadooh i khynnai ka thaw, kamtæ ya ka Shillong Cherry Blossom Festival 2026 kawa daw pynman ha ka 20 wa 21 tarik u November da rah ka cha i thaw wa thymme iwa em ha New Shillong iwa tip kam i Highland Grounds.
Kani ka thaw leh u man noh ko kam ka thaw wow pynman ya kiwon kiwon ki tamasa waheh.
Neibynta uni u snem da pynbna ya kiwa rwai wa tem na baar ri kiwa daw wan wei kitæ toh u KHALID uwa rwai yei sur wa bna naam iwa tip kam i “Young Dumb & Broke”.
Deilang wa oo toh u SWAE LEE uwa rwai Hip Hop wa pawnaam bha kattæ uwa da rwai deilang wa u Post Malone yei sur “Sunflower” yong ka phlim Spider-Man: Into the Spider-Verse.
Neitæ kiwa tem ki sur Pop-Punk, ki BOYS LIKE GIRLS kiwa pawnaam ha i por ki jait sur Emo ha ki snem 2000 deiwa em ki yei sur wa bna naam kam i “The Great Escape,” “Thunder” wa “Love Drunk.”
Ym du kini, daw pynbna leh sa ar ngut kiwi kiwa bna naam bha ki wow khriñ bha ya ki bru.
Kiwa pynman ya kani ka tamasa da ong ki wa i slem u pynbna toh neidaw wa hap wow kyrriah yei thaw pynman kamjooh yow pynbiang ya waroh iwa emkaam wei ini da pynman leh iwa chimpor wow pynbait kiwon kiwa lait u wan rwai wan tem.
Ini i thaw thymme toh iwa daw em boon tylli ki thaw psiah wa ki thaw mih deilang ki thaw pynyieñ kari.
Kani ka thaw wa thymme jngai ko du kamwa 30 minit na Shillong wei em ki luti yow pynsuk ya kiwa wan na Jowai wa na Assam wym hap de ki u psiah na Shillong.
I dor Ticket toh iwa sdang hei dor wa ₹2,500 chi sngi wei man ko kawa toh dor dooh hawa nujor wa kiwi ki tamasa wa kam kini hapoh India.
Ya ki Ticket u sdang u dai ha ka 4 tarik u September, 2026 nadooh 6:00 PM ha https://www.rockskitickets.com/
Discussion about this post