Sohra: Hajrong i thmu wow man kiwa da pynkhreh hawa khih u khmi khamtam ki thaw sumaar wa kiwi kiwi, ka yung krehkaam District Disaster Management Authority (DDMA), East Khasi Hills District, Shillong da pynman ko ya ka Mock Drill kawa chi sngi.
Kani ka Drill toh kawa da pynman chirup wa ka yung krehkaam Sub-Divisional Officer (C), Sohra Civil Sub-Division, Directorate of Civil Defence, ki Home Guards wa ka Sohra CHC.
Ya kani ka Drill wa chi sngi da pynman ha Sohra CHC ha kani ka 19 tarik uni u bnai deiwa pyndur wa khih u khmi.
Heipor wa man kani ka Drill da em ka yalang wa chimbynta da ki wakreh ka CHC Sohra, ka yung krehkaam u SDO (C), Sohra, Police Department, Fire Service Department, MPRO, BDO Shella-Bholaganj, wa kiwi kiwi.
Ha kani ka sngi da pyndur yei khih khmi wa i pynkit ya kiwa mynsoo, u sumaar ya ki kamjooh leh wow pynlait ya kiwa chah ban tymmoh.
Discussion about this post