Ynne ka sngi ka Northeast India AV Archive chirup wa ka Department of Mass Media, St. Anthony’s College, Shillong da pynyoo rong ko ya ki dur yongrim kam chibynta yong i lehkmen dap 50 snem ka jylla Meghalaya ya kawa da e pyrtuid ‘The Road to 50’.
Ya kani ka pynyoo rong da pynman ha Madan Biar, Mission Compound, Jowai heiwa da wan sakhi ya ka da ki khynnah skur wa ki paidbah leh kamjooh.
Ha kani ka sngi da pynyoo rong ya ki dur nadooh chwa i por wow yoh ya ka jylla, kam ki MLA wa nyngkong dooh, ki por wa lehkmen dap 25 snem ka jylla, ki dur yong rim heipor wa lehniam Behdieñkhlam wa nyngkong dooh hadien wa yoh laitlooid ka ri wa kiwi kiwi kiwa nadooh ki snem 1920 hadooh 1990.
Hawa yaklam wa ka J. Khongwir, Project Curator Northeast India Archive da pyntip ko wa kani ka pynyoorong ya ki dur toh chibynta u pynyoo ya ki dur kiwa da rim kiwa da lai luti ka jylla kattu la kamwa 50 snem.
Da ong ko wa kwah leh wow pynyoo kammon i yakhun wow yoh ya ka jylla wei man ko leh wow pynkynmoo ya ki paidbah kammon wow yada ya ka parom yongrim.
Da pyntip ko leh wa da sdang ya ini i pynyoo rong ha u Duyatra ha Pynursla, Thohlakhmi ha Baghmara,wa kamtæ ter ter wei u pynkut ya ka ha u Duyatra ha Shillong.
