15 49.0138 8.38624 1 0 4000 1 https://wyrta.com 300 0

Da pynman ya ka Annual Eucharistic Procession yong ka Jowai Diocese ha Umkiang

0 Comments
Advertisement ad1

Jowai: Ka Jowai Diocese da pynman ko ya ka Eucharist Procession kawa 13 hajrong ka phang wa da chim na ka ktien u Blai “Ka ktien ka la wan Lyngdoh bad ka la shong sah bad ngi,” Ioanis: 1:14.

Ya kani ka Procession da pynman ha ka 27 tarik uni u bnai ha Holy Cross Umkiang Parish heiwa da wan chim bynta chongchit da 17 tylli ki Parish wa em hapoh ka Jowai Diocese wa na kiwi tawon ki Parish.

Advertisement ad1

Da sdang ya ka Eucharist Procession da ka Mass wa khooid ha i yahkhmat u Lyngdohsad u Bishop Victor Lyngdoh, uwa da khut ya ki para wa ngait wow tista ki wow puræ wei wow kune ya ka ktien u Blai deiwa pynbna ka phang yong u snem 2019 hapoh ka Diocese leh man ko ka “Ktien u Blai” ha waroh ka Diocese.

Kamtæ da kyntu joor u ya ki paaid wow puræ ya ka ktien u Blai man ka sngi wei wow im katkam i ktien u Blai khnang wow yoh yei kyrkhu kamwa ki Isarel da maad ki hadien wa kular ki wow bood ya iwa sikai ka ktien u Blai kamwa da thoh ha ka Kitab u Nehemai kawa klam kammon ki paaid Israel hadien wa da dep puræ ki ya ka ktien u Blai da yam kthang ki yei duna wei bakla bakla yong kiwa da lai lyndet ya boon bah iwa sikai ka ktien u Blai. 

U Bishop da ban joor u yei kordor wei man kyntang ka Eucharist wei i yatylli ka Lucharis wanrah ko kamwa klam u Paulus wa khooid cha ki Corintinth lanong 10:16, 17, u Paulus wa khooid da ong u wa man i iwi neibhah wa waroh yoh bynta ki da u jooh u kpu ha ka Eucharist wa khooid. 

Ha kani ka sngi da em 72 ngut ki khynnah kiwa da yoh pdiang ya ka Communion wa nyngkong wei 66 ngut ki khynroo da pdiang ki ya ka Sacrament pynskem.

Hadien ka kñia Mass, da ki hajar ngut ki paaid ka Balang Katholik da chimbynta ki ha ka lai Procesion wow pynyoo yei ya tylli wei man iwi ha u Jisu Khrist uwa em ha ka Eucharist wa khooid wei da pynphooh chooh chooh ya kani ka sngi da ki khynnah wa riam rong lieh ryngkat i synraan ki Sister wa ki Lyngdoh Sohblei na ki Parish waphær waphær yong ka Jowai Diocese.

 

Advertisement ad1

0 Comments

Leave a Reply