Jowai: Ka dorbar kur kawa phra yong ka Seiñ Kur Khyriemmujat da pynman ya ka ha Indoor Hall ka Ladthadlaboh Dorbar Chnong ha ka sngi 5 tarik uni u bnai.
Ha kani ka dorbar da wan ki khon ka kur na kylleiñ heiwa da emlang leh u President ka seiñ u Wadlad Khyriemmujat wa u General Secretary u D. Lapbor Khyriemmujat.
Ha kani ka Dorbar da pynkup burom ya ki khon ka kur kiwa da yoh 90% chajrong ha ka SSLC Examination 2018.
Kiwa chah pynkup burom kynthup ki ya kini hawah:
- Daniel Ksanbor Khyriemmujat – 92.83%
- Santa Mary Khyriemmujat – 92%.
- Vernard. Khyriemmujat – 91.16%
Da pynkup burom ya kini ki le ngut da u Rophinus Khynriemmujat u dkhot ka kur na Wahiajer Unit.
Hadien ini da puræ ya ka bui (report) krehkaam ka kur wa kiwi kiwi.
Discussion about this post