15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Beiñ u Mukul ya ka sorkar pyrdi hajrong i thmu wow pynman aiñ ya ka Citizenship Bill

0 Comments

Jowai: U heh yong ka Congress ha Meghalaya, u Dr. Mukul Sangma da beiñ u yei thmu ka sorkar pyrdi wow ktah ym du ya ka thaaiñ mihsngi tangwa wot hadooh wow kah leh yei yatylli ka ri, yeini da pynsñiaw u hadien wa pdiang ka Lok Sabha ya ka aiñ Citizenship Bill ynne ka sngi. 

Da ong u wa toh u pyrkhat wei wow ngam yillu ka sorkar pyrdi liang wanang chwa wow kynthiar cha kani ka Bill neibhah wa manda man aiñ ko daw tympiah ko ya ka ri wei ki paidbah ka thaaiñ mihsngi da pynyoo ki yei yatylli dei ya pyrchah ya kani ka Bill.

Advertisement ad1

Da ong u wa da dooh chiboon ki mynsien wa kordor ha ki por da dadep deiwa e nongmuna ya ka Assam Accord, deiwa kylli, sa katwon tylli ki mynsien kwah i wow dooh kattu? 

Ini pynyoo i wa kwah ki wa ki paidbah ka thaaiñ u pyndem ki hakhmat yong ki, deiwa pynrap wa ym em uwon uwon leh uwa mihkhmat khlem pait ya ka seiñ wa em u napoh ka thaaiñ wow ngait ya kani ka Bill neibhah wa boon hi kwah ki wow kreh wow yada ya ki khian paaid yong kani ka thaaiñ.

Chooh chooh da ong u wa hawa waroh kawi ka thaaiñ mihsngi yatylli ki wow pyrchah ya kani ka aiñ kammon won ka sorkar pyrdi u ye ko u leh manda heh kani ka kaam neibhah ini pynyoo i wa ka kwah ko wow pynlai wei wow pynbor ya i wow ngait ya ka.

Share this:
Previous

Da pynman ya ka Dorbar ka Seiñ Kur Khyriemmujat

Next

Pynrem ka KSU wa NESO ya ka sorkar India wa mynjur ko ya ka CAB, 2019 ha LS

0 Comments

Leave a Reply