Da pynman ya ka Dorbar Ñiamtre wa 17 ka Ri 12 Doloi-30 Syiem ha madan Madiah Kmaiblai

Jowai: Ka Seiñraij Jowai ha ka sngi Khyllaw 22 wa ka sngi Pynsiñ 23 u Kmaichonglad da khut pynman biang ko ya ka Dorbar Ñiamtre ki khon ka ri 12 Doloi-30 Syiem ha madan Madiah Kmaiblai kawa man ka thaw em naam em parom yong ka chnong Jowai nadooh ki por u Woh Kiang Nangbah.

U K.F. Laloo, Chairman Ñiamtre Committee, Seiñraij Jowai ha kani ka Dorbar daman u kam u Chongknor, ya ka bynta yong ka pynap Blai pynap Syiem da e da siang da u Raymon Nartiang, Pator ka Raij Jowai neitæ chooh chooh kam wow kdar luti won ya ki bynta wa chakhmat u S. Quotient Sumer chim u ka bynta wow pynhær ya ka lama ka Seiñ pynbood i puræ Soskular da waroh hei yahkhmat u Chongknor katwa u President Seiñraij Jowai u O.R. Challam e u ki kyntien pdiang burom wei wow khana pynsñiaw hakhap u waboon walang ya ka thong yong kani ka Dorbar yachemlang wa chisien chisnem ki khon ka ri 12 Dolloi-30 Syiem.

Ki waheh wasian kiwa da e kyntien kyrpang ha kani ka Dorbar toh u P.D. Nongrum, General Secretary Seng Khasi Kmie Mawkhar uwa da klam hajrong ka phang wa ong “Ha la ka jong ka Tynrai”, u Dr. M.Tyngkan, Waheh ka Raij Raliang uwa da klam hajrong ka phang wa ong “Ka Ñiam wa ka Saian” wa u Dolloi ka Elaka Jowai u Puramon Kynjin uwa da klam hajrong ka phang wa ong “Skem i mynsien ha ka Ñiamtre”.

U R.D. Nongrum hawa pynwandur yei klam yong oo hajrong ka phang da kdar u wow pynsñiaw ya ka yurim i wan u khon Ñiawtrep-Ñiawskum cheini cha sla khyndaw pyrthai katkam ki hukum-adong u Trekirot hei yahluti u Woh Lakriah. U Dr. M.Tyngkan won hei klam yong o, da yaroh u yei stat ki warim waheh wow tyoor luti ya ka pateiñ heiwa da ong u wa iyi iwa ka Science klam ko dang hadien ki warim manchwa longchwa yong-i katkam i sikai ñiam da klam wei dayoo da chynna yeitæ iyi iyi waroh heiwa da kdaw nongmuna u leh ya ki rukom lehniam waphær waphær kiwa ha lyndet yong itaæ iyi iyi em ki yurim wow pynyabood, neitæ won u Puramon Kynjin hajrong ka phang, kdar u wow pachat ki kyntien e mynsien ya ki para khon ka Niamtre deiwa pynchongnia ya ki kyntien u Trekirot ha’u Niaw Wasa.

Da rah tarik ya ka General Meeting ka Kur Sana kawa daw pynman ha Jowai

May 7, 2025

Ym chah ya kiwa wan dai baam ha ka Chaad Sukra ka Seiñraij Chnong Tuber Kmaichnong

May 3, 2025

Khaddooh chwa wow poi ka bynta wakut yong kani ka Dorbar, u Secretary Niamtre Seiñraij Jowai u Wansalan E.Dhar yieñ u wow e ki kyntien makhane katwa u S.K. Lato won chim u ka bynta wow pynhiar ya ka lama kam ka dak wow pynyoo wa kani ka Dorbar dapoi ko chawa kut.