Jowai: U Chairperson ka Meghalaya Human Rights Commission, u Dr. Justice Aftab H. Saikia ynne ka sngi da wan u wow embynta lang ha ka yalang pynsñiawthooh hajrong ka Human Rights namo i hok manbru wa pynman neibynta ki khynnah skur ka Amlarem Civil Sub-Division ha Syiem Jingsuk Higher Secondary School, Amlarem, wa pynman da ka Meghalaya Human Rights Commission (MHRC) dei yakrehlang waka yung krehkaam ka Amlarem Civil Sub Division, Amlarem.
“Ka riti synchaar ka ri India man ko kawi na kiwa miat dooh hapoh pyrthai kawa da e yei hok ya uwi pa uwi khlem pait chiliang la ha ka niam namo ka jaitbru,” da ong u Dr. Justice Aftab Saikia.
Da ong chooh chooh u wa kam ki tre ri emkaam u tip i ya kini ki hok heijooh i por wow leh ya ki kaamram wa da pynkit ha i wei wow bood ya ka aiñ.
“Yow man i ki bru wa bha nyngkong emkaam i wow tip yei hok yong ki wow burom i ya ka National Anthem, ka lama ka ri wei wow im deiwa emburom,” da ong u Dr. Saikia.
U Director General of Police (DGP) warim ka jylla uwa man leh u dkhot ka Meghalaya Human Rights Commission (MHRC) u P.J.P. Hanaman lyngba ka PowerPoint Presentation da khana u cha ki khynnah skur yei yumut ka Human Rights, i rukom krehkaam ka MHRC wow yarap ya ki bru wow yoh yei hok yong ki kiwa man salonsar yow lait ki nei chah lehbeiñ yow ye ki u im deiwa emburom.
U L. Syngkon, Officer In-charge ka Amlarem Police Station da khana u chaphang i rukom krehkaam ki pulit wow pynchitom ya kiwa tyngkheiñ aiñ kamjooh kammon krehkaam ka aiñ ya kiwa tyngkheiñ aiñ kiwa em hapoh 18 snem katkam ka aiñ Juvenile Justice Act, i em ka Juvenile Justice Board wei wow yada ya ki khynnah yow yoh ki yei hok yong ki kamjooh leh ya waroh ki bru.
U muktiar u B. Salahe won da klam u chaphang ki luti wa da lai ka Meghalaya Human Rights Commission.
Ya ka yalang da pynlai da ka J.U. Kharpuri, SDO (C), Amlarem wei da emlang leh u Aldous Mawlong, Secretary MHRC.
Discussion about this post