15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

T. 2,000 kawi ka Job Card paan u Waheh Chnong Ionglawit Nongjngi na ki paidbah: AJSU-NC

0 Comments
Advertisement ad1

Jowai: Hadien wa ka seiñ AJSU-Nartiang Circle da yoh ujor ko na kiwa chong chnong ka Ionglawit Nongjngi wa du neidaw wymye ki wow su ki T. 2,000 da dooh noh ki ya ka Job Card kawa man ka hok yong ki.

Hadien ini neiliang ka seiñ da yachem ko wa ki kattu katni kiwa chong chnong kiwa da kam wa u Waheh Chnong da ong u wym ye u e ya ka Job Card lada ym su ki ya ka T. 2,000 kawi ka Job Card wei neiliang ka seiñ da em ko ki sabut ki sakhi wa biang hei yatoh wa i dawa poisa yong oo.

Neiliang ka seiñ da booh ko i ujor cha u Director ka C&RD Block u Arun Kumar Kembhavi wa cha u MLA watoh u pait ya kani ka chnat u Sniawbhalang Dhar.

Ka seiñ da sñiawkhia ko yeini iwa da ktah ya kiwa boon khamtam kiwa dooh wei da ong ko wa u Waheh Chnong da lai lait u ya ka yung krehkaam ka BDO.

Chooh chooh da ong ko wa daw takit yillu ko hajrong ini wei boi daw chemdien boi dang em kiwa emkti ha kani ka kaam.

Da kyntu joor ko ya ki bor sorkar wow chimkhia yeini wei wow pynchitom ya kiwa emkti ha ini i kaam.

Ini toh katkam wa pyntip u President ka AJSU-Nartiang Circle u Slimiki Phalangki.

Share this:
Previous

Mynstep ka sngi daw pynman ka DMMA ya ka Mock Drill ha Jowai

Next

Da pynman ya ka esikai hajrong i hok manbru ha Amlarem