15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da pynman ya ka esikai yei myntoi na i rep da ki sboh wa khlem dawai

0 Comments
Advertisement ad1

Jowai: Ka B.M. Majaw kawa man kam ka District Horticulture Officer, ka West Jaiñtia Hills District haka esikai wa pynman ha ka chnong Moosakhia ha kani ka 28 tarik da ong ko wa ya kawa katni tip kam ka Organic Farming man ko ka rep yong rim kamwa ki warim wa jah jooh leh ki.

Kani ka e sikai da pynman da ki seiñ SHG ki warep ka chnong Moosakhia wei da kyrchaan poisa da ka yung krehkaam u District Planning Officer West Jaiñtia Hills wei da emlang ki sahep sorkar wa ki wakreh ka SURE ki waheh ka chnong, kiwa chong chnong kiwa na ki chnong wa jan kam ka Samanong wa ka Mupyut.

Ka Majaw da kyntu ko leh ya ki warep wow pynemkaam ya i rukom chna sboh khlem dawai katkam wa yoh sikai ki kam ka sboh 18 sngi (Berkley Compost), ka sboh ait wieh (Vermi Compost) khnang wa ki ym haap pyndemkaam de da ki sboh phniang (Chemical). Hei yatoh won wa ki dawai leh da kytu ko ya ki warep wow pynemkaam da ki dawai ki wym toh ki dawai phniang haka rep ka riang ka yong ki.

U G.N. Kharlukhi uwa man u District Development Manager yong ka National Bank of Agriculture and Rural development (NABARD); da ong u wa i rukom rep kawa katni kawa pynemkaam da ki sboh wa ki dawai phniang (Chemical) da ktah ko ya ki bru ha ki le bynta iwa nyngkong; ki sboh wa ki dawai phniang ki ktah wei pynsih ki ya rymaw, iwa mut ya ka um wot ya ka la-ær kawa i riñ mynsien leh. Kawa ar ktah ko ya ka khyndaw neibhah pynsih ko wei heijooh i por tynyap ki ya ka khyndaw wei kawa le won wa ktah ko ya i chait i khiah ki bru kiwa pynemkaam ya kini ki jhoor ki jhep wa mih deiwa pynemkaam ya ki dawai phniang.

U Rev. H.H. Mohrmen Secretary ka SURE kawa kyrchaan ya kani ka SHG, da ong u wa i eh yong kitu ki warep khlem pyndemkaam dawai næ sboh phniang toh ka yaaw neibhah wym em ka yaaw wa kyrpang wow dai ya ki mar yong ki hei dor yaaw. Da ong u wa ka SURE hei ya krehlang waka NABARD wei kamjooh leh ka North East Slow Food and Agro-biodiversity Society (NESFAS) daw sdang ki ya ka yaaw ki warep heiwa  ki warep u yoh ki u dai ya ki jhoor kiwa ki rep khlem pynemkaam dawai.

U Jeniwel Pyrtuh uwa man ka u Dolloi yong ka Elaka Amwi da kyntu u ya ki dkhot yong ka SHG wow em ki i sñiawthooh yumut lang ki wei wow man ki kiwa yai chah wa kiwa kreh chitom khnang wow poi cha ka thong yong ki. Kiwi won kiwa ya klam ha kani ka sngi toh u Barley Suting Secretary Dorbar Chnong Moosakhia, u Loren Pakshang President ka Seiñ Nongrep SHG wa ya ka yalang da pynlai da u Realsing Muksor Secretary ka SHG.

Hadien yong ka yalang wai, haka bynta wa ar da yoh ya i batai bniah chaphang i myntoi wa kammon wow rep Organic da u Lumeker Phawa na ka tnat krehkaam ka Horticulture, West Jaiñtia Hills District uwa  man kam u bru chemphang ha kani ka sngi.

Ha chwa ini ka SURE da pynman ko ya ka yalang pynche paidbah heiyatoh wa ka project ‘No one shall be left behind’ kawa man ka project lyngba ka NESFAS kawa yatoh wa ki baam tynre heiwa da yoh yei pynche naka Pasqualina Lamare wa ka Daka Païa Bareh.

Advertisement ad1

0 Comments

Leave a Reply