15 49.0138 8.38624 1 0 4000 1 https://wyrta.com 300 0

Da pynman ya ka Health Sanitation Nutrition Day Programme ha Byndihati

0 Comments
Advertisement ad1

Khliehriat: Kam chibynta yong ka “Poshan Maah” Nutrition Month 2019, ka yung krehkaam Integrated Child Development Service, East Jaiñtia Hills District da pynman ko ya ka Village Health Sanitation Nutrition Day Programme ynne ha Byndihati, East Jaiñtia Hills District. 

Ka thong yong ka programme toh wow pynche pynsñiawthooh yei emkaam wei myntoi yong ki baam neibynta ki manbei wa ki khynnah kamjooh leh i khooid i jngiar.

U Deputy Commissioner ka District, u FM Dopth (IAS) da booddien u yei kreh ki Anganwadi, ASHA wa ki Auxiliary Nurse Midwifery (ANM) ha kani ka chnong. 

Ha kani ka programme da emlang leh u S. Marwein, BDO East Jaiñtia Hills District, ka C.N. Sariang, Medical Health Officer, East Jaiñtia Hills District, ka N. Puhoh Suchiang, In-charge Khliehriat, CHC, u W. Buam, District Coordinator DSBM (G), East Jaiñtia Hills District, u waheh chnong kamjooh ki paidbah ka chnong. 

U Dopth hawa e yei klam da ong u wa yow pynku ya ka chnong emkaam wow em ki kynthai wa khynnah yei chait i khiah, ki skur wa i khooid i jngiar. 

Da ong u wa ki kynthai wa punkhon emkaam u baam ki ya ki jait baam kiwa tei neibhah ka bru wa chait, kha ko leh yei khon iwa chait kamtæ da kyntu u ya waroh wow pynbiang ya ki baam wa miat neibynta yong ki. 

Heijooh i por da kyntu u ya ki Anganwadi, ASHA wa ki Auxiliary Nurse Midwifery (ANM) wow booddien wei wow chakri hok ki khnang wow tip yei man i long i chait i khiah ki kynthai wa khynnah hapoh ka chnong. Da ong u leh wa daw pynkrehkaam noh ya ka District Dashboard ha ka District ka wow booddien wei wow pait yei kreh yong ki.

U S. Marwein da kdaw u yei eh i khoo wa yachem ki Anganwadi, toh i wym em ki Anganwadi Center ha ki chnong, deiwa pynrap wa ka yung krehkaam Block Development Officer, East Jaiñtia Hills District chirup wa ka District Social Welfare, da sdang chna ki ya ki Anganwadi Center ha waroh ki chnong. 

Da pynche u leh hajrong ka Electoral Verification Programme kawa da sdang hapoh ka District deiwa kyntu ya waroh wow wan cha ki CSC ha ka chnong wow pynbait yeiwa bakla ha ki Electoral Roll. 

Kiwi kiwa da klam kynthup ki ya ka C.N. Sariang, u W. Buam, District Coordinator DSBM (G), wa ka E.V. Pariat, Sub-Inspector Food.

Advertisement ad1

0 Comments

Leave a Reply