Khliehriat: Ka Horticulture Exhibition & Honey Fest cum WorkShop da pynman ya ka ynne ka sngi ha Wika Complex Parking Lot, East Jaiñtia Hill District, Khliehriat.
Ya kani ka programme da pynman da ka yung krehkaam District Horticulture Officer, East Jaiñtia Hills District hajrong ka phang “Horticulture towards economic upliftment” wei u Emlang Laloo, District Soil and Water Conservation Officer, East Jaiñtia Hills District da man u kam u kongsan.
Ka District Agriculture Officer, ka R.K. Blah da ong ko wa ka kaam rep man ko kawa emkaam bha ha ka District wei i dawa ya ki mar dang ku i kat dang lai ki sngi iwa da pynclur ya ki warep u pynku yei yoh lap ki.
Da pynchlur ko leh ya ki warep u sdang ri ngap noh ki kawa man kawi tawon ka laad kamai ya ki wei yada ko leh ya ka rymaw liang wanang.
U Emlang Laloo, da ong u wa kani ka pynyoo rong man ko ka kabu ya ki warep wow pynyoo ya u soh i kreh chitom.
Da pynsñiaw u leh yei sñiawkhia hajrong wa hiar kyrdan i rukom man sboh i khyndaw deiwa kyntu ya waroh wow chimkhia ki u yada ya ka rymaw.
Kiwi kiwa da klam ha kani ka sngi toh u R.R. Lyngskor, Executive Engineer, Water Resource Department, East Jaiñtia Hills, ka D.M. Suja, MCS, Addl. Deputy Commissioner ka District wa u A. Dkhar, District Horticulture Officer.
Ha kani ka pynyoo rong da wan chimbynta da ki warep, ki chnat sorkar waphær waphær, kiwa song baam, wa kiwi kiwi.
Discussion about this post