Kam chibynta ka lehkmen ya ka lyngkhooh dap 75 snem i yoh laitlooid ka ri India, da pynman ya ka Independence Day Run ha East wa West Jaiñtia Hills District.
Ha West Jaiñtia Hills da wan wow chimbynta da palat 80 ngut na kiwa boon ki bynta ka District heiwa ya ka yaphet da sdang na Kiang Nangbah Stadium, Dongmihsngi wei da pynkut ha u mot u Kiang Nangbah wa em ha Syntu Ksiar, kawa da kaweh lama da u DSO ka West Jaiñtia Hills.
Da emlang leh ki dkhot ka WJDSA heiwa ya ki kyntien e khublei da yoh na u Arwotki Shullai, WJDSA wa na u DSO u K. Passah.
Ha East Jaiñtia Hills da em palat 75 ngut kiwa da wan chimbynta heiwa ka yaphet da sdang na yung krehkaam u DC wa em ha Khliehriat wei da pynkut ha yung krehkaam warim u DC.
Ya ka yaphet da kaweh lama da u James Sutnga, Working President ka East Jaintia District Football Association deiwa emlang leh ki wakreh u DSO wa kiwi kiwi de.
Ya ki kyntien e khublei da yoh na u C. Tlang, General Secretary ka East Jaintia District Football Association.
Ya waroh kiwa wan chimbynta da e ya ki da ka Certificate of Participation.
