Ynnin ka 30 tarik da yoh wow pynman ya ka yalehke (Game & Sport) kam chibynta ka lehkmen Youth Week Celebration ka Jingiaseng Samla Bataw Distict, PCI wa da pynman wei pynlai da ka Social & Youth Development Committee (SYDC) ka Balang Lakadong.
Da wan wow ya chimbynta da waroh 11 tylli ki Balang kiwa em ha ka Jingiaseng Samla Bataw District da ki khon khynroo kynthai wa chynrang heiwa u kongsan ha kani ka sngi neidaw wym ye u wan u u Kyrmen Shylla, MLA 6-Khliehriat, kamtæ da phah da u TBn C.F. Bareh Balang Rymbai deilang wa uwa bood ya oo, u Rismon Dkhar deiwa emlang u Rev. K.S. Basaiawmoit, Chairman, u TBn E. Rymbai, u Secretary u B. Rymbai, u Waheh Chnong ka Lakadong u Framely Rymbai, u Dolloi ka Elaka Lakadong u O. Shadong, ki Tymmen Wasan ka District wa ki dkhot ka SYDC.
Ya ki khusnaam ha kani ka sngi da yoh u saam da u Chiborlang Wahlang na Balang Nongsning deilang wa ki lok yong oo.
Ha ka yakob yalehbol, da rah da ka Jingiaseng Samla Balang Lakadong Ummat deiwa pynrem ya ka Jingiaseng Samla Balang Bataw.
Ha i yataan tylle da rah da ki khon khynroo kynthai ka Jingiaseng Samla Balang Umlyngsha dei wym ye de u yang ya ka Jingiaseng Samla Balang Borghat kamtæ da hap wow pynrem noh ka.
Ha ka yakob phet pyllah 200 meter da yoh nyngkong da ka Pynsngiat Shadong, J/S Balang Lakadong, hei wa ar da yoh ka Ledies Rymbai, J/S Balang Lakadong Ummat wei hei wa le da yoh da ka Syrpai Rymbai, J/S Balang Lakadong.
Kani ka sngi da man ko ka wa chongchit wei da man ko kawa lai bait.
Discussion about this post