Da pynman ya ka National Voter’s Day Run ha East Jaiñtia Hills

Khliehriat: Kam chibynta yong ka lehkmen 10th National Voter’s Day 2020 ka yung krehkaam u Deputy Commissioner, East Jaiñtia Hills District chirup wa ka District Sports Officer, East Jaiñtia Hills District ynne da pynman ki yaka “National Voter’s Day Run 2020” hajrong ka phang “Electoral Literacy For strong Democracy”. 

Kani ka yakob phet kawa jngai 10 km da sdang ko na yungkrehkaam u Deputy Commissioner cha Rymbai Public Health Centre (PHC) wei da uiñ biang cha yung krehkaam u Deputy Commissioner.

Ya kani ka yakob da kaweh ya ka lama sdang da u Addl. Deputy Commissioner, East Jaiñtia Hills District, u S.S. Syiemlieh heiwa da chimbynta chongchit da ki khynnah wa ki waheh.

U S.S. Syiemlieh da ong u wa kani ka National Voter’s Day Run da pynman ya ka kam chibynta wow pynsñiawthooh ya ki paidbah hajrong ka hok yong ki. 

Da kyntu u leh ya kiwa da kynjoh 18 snem wow pynpsiah pyrtuid kam kiwa thap Vote deiwa pyntip leh wa kiwa jop ha kani ka yakob daw saam ya ki khusnaam ha ka lehkmen Republic Day.

Ha ka yong ki chynrang da jop u Bismo Sumer, bood sa u Rubi Sana wa u Deolistar Dkhar hei wa le.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ha ka yong ki kynthai da jop da ka Rikynti Sana, bood sa ka Lamsuk Phawa wa ka Wanda Dkhar hei wa le. 

Uwa khian rta dooh na ki chynrang toh u Eikyrpangmi Sana katwa na ki kynthai won ka Ibarisa Phawa.