15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Da pynman ya ka Poshan Abhiyan Poshan Mela ha Khliehriat

0 Comments
Advertisement ad1
Advertisement ad1

Khliehriat: Kam chibynta yong ka National Nutrition Month, ka yung krehkaam Integrated Child Development Services (ICDS), East Jaiñtia Hills District ynne da pynman ko ya ka Poshan Mela cum Exhibition ha Khliehriat East Upper Primary School.

Ka thong yong kani ka programme toh wow pynche pynsñiawthooh yei myntoi yong ki baam wa tei wa miat ya ki kynthai wa pun-khon wa ki khynnah.

Ha kani ka sngi u montri ka Social Welfare, u Kyrmen Shylla da man u kam u kongsan hei emlang u FM Dopth, (IAS) Deputy Commissioner, East Jaiñtia Hills District, ka D.M. Suja, MCS, Additional Deputy Commissioner, East Jaiñtia Hills District, ka R. Passah, CDPO, ki sahep sorkar wa ki khynnah skur.

U Kyrmen Shylla, hawa e yei klam da ong u wa ki khynnah emkaam ki yei sumaar nadooh wa dang kha heiwa ki 1000 sngi nadooh wa kha man ki kiwa kongsan tam wow e ki baam wa miat wa bha.

Da pynksan u yei myntoi yong i e yimbu khon khnang wow yoh ki khonboo yei doh i pran wa chait wa khiah wei yow heh u chran ki liang wanang.

Chooh chooh da kyntu u ya ki paidbah wow pynduna u baam ya ki doh rong soo (Red Meat) kiwa ye u wanrah chiboon ki jait kjut jait chitom wei wow pynjoor noh u baam da ki jhoor wa kiwi kiwi kiwa yarap bha wow tei ya i doh i pran.

Kiwi kiwa da klam ha kani ka sngi toh u FM Dopth, ka V. Blah, District Programme Officer kawa da e ki kyntien pdiang burom, u Teibor Kyndiah, District Child Protection Office, uwa da pynlai ya ka yalang, u Hubert Kharbuki, Superintendent of Fisheries wa kiwi kiwi.

Ya kani ka yalang da pynphooh da ki chaad, ki rwai, ki lehke wa tbian na ki Anganwadi, Asha Worker wa ki khynnah skur wa College ka District.

Ha kani ka sngi u Kyrmen da saam u leh ya ki Work Order cha ki 30 ngut ki manbei lyngba ka chnat Fisheries Department wow chna nan dakha hapoh ka District.

Ya ki kyntien e khublei da e da u Shiningstar Rympai, District Coordinator, ICDS, Khliehriat.

Share this:
Previous

Da pynman ya ka e sikai hajrong i wow pynduna yei chah ktah hawa khih u khmi

Next

Kyntu u DC ka EJH wow dam u pynpoor ya ka Trailer ka Film wa ktah yei sñiaw ki Muslim