15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da pynman ya ka Pre-Placement Drive ha Khliehriat, EJH

0 Comments
Advertisement ad1
Advertisement ad1
Advertisement ad1

Khliehriat : Ynnin ka sngi kam chibynta wow pynku yei yoh khih yoh kreh ki khynroo khyllood ka jylla ha ki Company wa miat tam ka ri, da pynman ya ka Placement Drive namo ka wow yarap u e khih e kreh ya ki, wei ya kani da pynman ha Khliehriat West Community Hall. 

Ya kani ka programme da pynman da ka Government Project wa tip kam ka “Supporting Human Capital Development in Meghalaya” (SHCDM) wa yoh yarap lyngba ka Asian Development Bank (ADB).

Advertisement ad1
Advertisement ad1

Kani ka Pre-Placement Drive daw pynbood won sa ka Mega Job Drive wow man ha ka 30 tarik uni u bnai wa ka 1 Naichiphaw.

Ya kani ka programme da pynman da ka chnat Labour Department,  Government chirup wa ka Aide et Action(NGO). 

Hadooh katni da pynman le tylli kini ki Pre-Placement Drive wa kawi ka Job Drive ha Don Bosco, Hall Laitumkhrah, Youth Hostel, Shillong, Dorbar Hall, Sajer, Nongpoh wa ha ITI Rynjah heiwa kiwa boon da chah jied ki wow lai kreh ha ki Company waphær waphær ha kylleiñ ka ri. 

Ha Khliehriat da wan chimbynta da palat 30 ngut ha kani ka Pre-Placement Drive.

Na ka jylla kiwa da chah jied wow kreh cha baar jylla toh kiwa pnah kam ha ka Mechanical, Civil wa Automobile Engineering wei em leh kiwa ye u yoh kreh wot chadooh cha Japan.

Da booh thong wa na jylla 2600 ngut ki wow yoh kreh deiwa chah su tulop katwa kamwa 500 ngut wow seiñ dei yong ki hi i khih ha kylleiñ ka jylla.

Advertisement ad1
Advertisement ad1

0 Comments

Leave a Reply