15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da pynman ya ka pynsñiawthooh hajrong ka Rashtriya Poshan Maah

0 Comments

Khliehriat: Chibynta yong ka Rastriya Poshan Maah (National Nutrition Month), ka yung krehkaam Office of Integrated Child Development Services, East Jaiñtia Hills District chirup wa ka  Integrated Child Protection Services, East Jaiñtia Hills District da pynman ki ya i pynsñiawthooh paidbah hajrong ka Poshan Maah ha Lahalein wa Lejri, East Jaiñtia Hills District ynne ka sngi.

Kani ka pynsñiawthooh toh hajrong i chait i khiah ki kynthai wa ki khynnah, i baam wa tei wei wow yait na i pynemkaam ya ki jait dih pynmuaid.

U Shiningstar Rymbai, District Coordinator, ICDS, da e batai u hajrong kani ka programme wa da sdang da u montri rangbahdooh ka ri yow pyntikna wa biang i baam wa yoh ki kynthai wa punkhon, kiwa e yimbu khon, ki kynthai wa khai khyllood wa ki khynnah.

Da kyntu u ya ki kiwa punkhon wow sumaar bha yei doh i pran yong ki khnang wow myntoi i khon manda kha.

U T. Kyndiah, District Child Protection Officer, East Jaintia Hills District da pyntip u ya ki kaam wa leh da ka yung krehkaam yong oo wow pait yei bha i miat ki khynnah deiwa kyntu ya ki manbei manpa wow e ya ki khon ki baam wa miat kiwa tei ya ki khynnah wei wow sneiñ kyntu kamjooh leh u kdaw luti ya ki khynnah khamtam yow kiar ki nei yoh khon dang khian rta.

Da ong u leh wa i stat i tip man i iwa kordor kamtæ da kyntu u ya ki manbei manpa wow phah ya ki khon yong ki cha skur khnang wa ka mynried ka yong ki khon ki u man ko kawa tyrchaaiñ.

Kiwi kiwa da e klam ha kani ka sngi toh ka Olivia Nongtdu, Ladies Supervisor, ICDS, Khliehriat Project kawa da klam hajrong ki kaamram ki Anganwadi wa ki Asha wei da yoh leh i klam na ka R. Sariang, Block Coordinator, ICDS kawa da kyntu ya ki manbei manpa wow hikai ya ki khon wow man ki kiwa lehkhooid.

Share this:
Previous

Da chem ya i metyap yong u Dolloi ka Elaka Rymbai

Next

Lai yachem ka CoMSO wa ki montri sorkar yow yoh kyrchaan hajrong ka ILP

0 Comments

Leave a Reply