Shillong: Ka Workshop wa chi sngi neibynta ki waheh chnong hajrong i pynyap bru yong chnong wa chaphang kiwa pynemkaam drug da pynman da ka Meghalaya State Legal Services Authority (MSLSA) deiwa ya krehkaam waka Department of Justice, Ministry of Law and Justice, Government of India da pynman ynnin ka sngi ha St. Edmund’s College, Shillong.
U Justice H.S. Thangkhiew, Executive Chairman, Meghalaya State Legal Services Authority uwa man leh u Judge, High Court of Meghalaya da wan u kam u kongsan hei emlang u W. Diengdoh, District and Session Judge, East Khasi Hills District, u N.A. Khan, Member Secretary, MSLSA, u Dr. Sylvanus Lamare, Principal, St. Edmund’s College, ki waheh chnong wa ki khynnah kani ka thaw puræ.
U Justice Thangkhiew ha i klam waiphang yong oo da ong u wa i pynyap bru yong chnong man ko kawa ktah bha yaka imlang sahlang kamtæ da kyntu u ya ki waheh chnong kiwa man nyngkong wow yaklam wa kiwa chah pynbaad wow pyntip ki cha ki bor ka aiñ lada em iwon iwon wa yoo ki wa suba wa rap phær wa jia hapoh ka chnong ka thaw.
Da ban joor u leh yeiwa emkaam wow koh ngooh yaka aiñ wei ki paidbah ym toh u chim ki yaka aiñ ha kti yong ki wow pynchitom ya kiwa chah pynbaad.
Yow lait na kini ki kaam wa i ngait biej ya ki khubor thok wa boon wa poor lyngba ki Social Media, u Justice Thangkhiew da kyntu u ya ki waheh chnong kamjooh ya ki paidbah wa ym toh u pynemkaam bakla yaka.
Heiyatoh wa i drug da ong u wa ktah bha ko ya i chait i khiah kiwa dih ya ki drug wei ktah ko leh yei heh i san ka chnong ka thaw wei dang emkaam bha wow pynman ya ki pynsñiawthooh paidbah yei ktah i drug wei heijooh i por da ong u wa toh wow wyrai ya kiwa da chah teh chah khoom ha i dih drug wow yarap ya ki wow lait ki na ini i kaam.
Discussion about this post