Ka lympung 7th Republic Day Cup Under-12 Football Tournament 2020 kawa pynman ha Kiang Nangbah Stadium, Jowai daka West Jaiñtia District Sports Association (WJDSA) da pteiñ yaka ynne ka 18 tarik da ki 4 tylli ki yalehke Quarter Final.
Kiwa jop ha ka Quarter Final yong ka kyrdan Under 12 man ki kamni hawah:
Ka FAM da jop ko ya ka Khimusniang da 2-0 wei ya kini ki kool da thap da u Ricomfort Syntem (42min) wa u Stevenson Phawa (50+1min).
Ka Chilliangraj da jop ko ya ka Mukhla Raij da 3-1 lyngba ka Tie Breaker hadien wa ka yakhun da kut ko mar 1-1 wei ya ka kool ka Chiliangraij da thap da u Iakisalanmi Lanong (6min) katwa ya ka Mukhla won da thap da u Da-owanmi Bang (13min).
Ka Demthring da jop ko ya ka Mulang Ialong da 3-2 heiwa ya ki kool ka Demthring da thap da u Teiki Dkhar (6min), u Methodious Langshiang (29min) wa na u Givenson Suting (46min) katwa ya ka Mulang Ialong won da thap da u Chrainmitre Pale ha ka 3min & 4min.
Ka Mookymphad da jop ko ya ka Dulong da 1-0 lyngba ka kool u Franky Paslein (36min).
Ka yakhun Semi Final yong ka kyrdan Under 12 Football Tournament 2020 u man ko ha ka 21 tarik uni u bnai heiwa ka yakhun wa nyngkong u man ko hapyrdi ka FAM pyrchah ya ka Demthring heipor 10:00 i step katwa ka yakhun wa ar won heipor 11:30 i sngi hapyrdi ka Chilliangraj pyrchah ya ka Mookymphad.
Discussion about this post